Krestarbapuso
 | ||||||||||||||
|---|---|---|---|---|---|---|---|---|---|---|---|---|---|---|
_in_Kawal_WS,_AP_W_IMG_2115.jpg) Krestarbapuso, masklo
 Krestarbapuso, ino
| ||||||||||||||
| Biologia klasado | ||||||||||||||
| ||||||||||||||
| Hemiprocne coronata (Tickell, 1833) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Krestarbapuso (Hemiprocne coronata) estas specio de arbapuso. Arbapusoj estas tre aeremaj preskaŭpaserinaj birdoj, tre rilataj, sed distingaj el la apusoj. Ili estas limigitaj al sudorienta Azio kaj Aŭstralazio.
Tiu birdo estas komuna loĝanto kaj reproduktanto el Barato orienten ĝis Tajlando. Ĝi estis iam konsiderata samspecifa kun ties orienta parenco, la Grizpuga arbapuso (Hemiprocne longipennis), sed ili ne interreproduktiĝas kie la teritorioj koincidas.
_in_Kawal_WS,_AP_W_IMG_2133.jpg)
Tiuj estas birdoj de malfermaj arbaroj. La Krestarbapuso konstruas etan neston kiu estas gluita al atingebla arbobranĉo. L aino demetas unu blugrizan ovon, kiu estas kovata de ambaŭ gepatroj. La nesto estas tiom malgranda ke kovantaj birdoj ripozas rekte sur la bordo de la nesto, kovrante la ovon kun la plumoj de siaj subaj partoj.
La Krestarbapuso estas mezgranda svelta birdo 23cm longa. Tiu specio estas perlogriza supre kaj blanka sube kaj la tre longaj reenkurbaj flugiloj estas iom pli malhelgrizaj supre kaj ripoze kuniĝas kiel tondilo multe pli malantaŭ la vostofino. Tiu arbapuso havas kreston kaj longan, tre forkoforman voston. La maskla plenkreskulo havas oranĝecajn flankojn en la vizaĝo. Junuloj havas malhelgrizajn kapon kaj flugilojn, sed la resto de la milda plumaro estas multe pli striita ol tiu de plenkreskuloj.
La Krestarbapuso manĝas en aero la insektojn kiujn prenas per sia beko. Ĝi aspektas pli kiel Hirundo dumfluge ol apuso, sed ĝi estas nerilata al tiu grupo. Malkiel la veraj apusoj, la arbapusoj facile ripozas sur nudaj arbobranĉoj.
La voĉo de tiu orientalisa specio estas akra kii-kiuuu.
Vidu ankaŭ[redakti | redakti fonton]
Referencoj[redakti | redakti fonton]
- BirdLife International (2004). Hemiprocne coronata. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 09 Majo 2006. Ne minacata
- Birds of India de Grimmett, Inskipp kaj Inskipp, ISBN 0-691-04910-6
- Swifts de Chantler kaj Driessens, ISBN 1-873403-83-6
