Landa pordego

El Vikipedio, la libera enciklopedio
Salti al navigilo Salti al serĉilo
Koordinatoj: 50°08′08″N 16°34′20″E  /  50.13556°N, 16.57222°O / 50.13556; 16.57222 (Landa pordego) (mapo)
Landa pordego
ĉeĥe: Zemská brána
Naturrezervejo
Přírodní rezervace Zemská brána, okres Ústí nad Orlicí (03).jpg
Zemská brána, Divoká Orlice
Lando Ĉeĥio Ĉeĥio
Regiono Regiono Pardubice
Distrikto Distrikto Ústí nad Orlicí
Montaro Orlica montaro
Katastro Klášterec nad Orlicí, Bartošovice v Orlických horách
Memorindaĵo Ŝtona ponto el la j. 1900
En ĉirkaŭaĵo Ĉeĥoslovakaj fortikaĵoj
Rivero Divoká Orlice
Koordinatoj 50°08′08″N 16°34′20″E  /  50.13556°N, 16.57222°O / 50.13556; 16.57222 (Landa pordego) (mapo)
Alteco 570–650 m
Areo 88,22 km² (8 822 ha)
Plantaro Piceaj arbaroj, Abio, Eŭropa fago
Animalaro Ruĝa vulpo, Ruĝa cervo, Kapreolo, Granda buntpego
Proklamita 1-a de septembro 1987
Situo enkadre de Ĉeĥio
Green pog.svg
Situo enkadre de Ĉeĥio
Commons-logo.svg Vikimedia Komunejo: Zemská brána
Landa pordego kaj ŝtona ponto

Landa pordego (ĉeĥe: Zemská brána) estas naturrezervejo situanta en Ĉeĥio en Orlica montaro, en katastro de municipoj Klášterec nad Orlicí kaj Bartošovice v Orlických horách. La naturrezervejo troviĝas en ambaŭ bordoj de rivero Divoká Orlice, kiu fontas en Pollando proksime de ŝtatlimo al Ĉeĥio. Proksimume post 2 kilometroj ĝi alkroĉas sin al la ŝtatlimo, kiun ĝi postsekvas proksimume 25 km. En loko, kie enfluas en ĝin rivereto Ruĝa rojo (ĉeĥe Červený potok) (proksime de vilaĝo Čihák), ĝi forlasas la ŝtatlimon kaj preskaŭ perpendikle al devena direkto ĝi turniĝas al la enlando. Tiu ĉi sektoro estas proksimume 2 km longa kaj ĝi finas senpere en limo de la natur-rezervejo. La fluo de Divoká Orlice daŭrigas de tie al sudo. Ĝuste tiu ĉi sektoro portas trafan nomon Landa Pordego. Geologian fundon ĉi tie kreas migmatitoj kaj ortoruloj, kiuj atingas longecon 20 m. La plej monumenta estas tute perpendikla rokmuro, kiu en longeco de kelke da centoj da metroj tiriĝas ekde ŝtonponto el la jaro 1900 al Pašerácká louka (Kontrabandista herbejo), kie estas 8 m alta Pašerácká skála (Kontrabandista roko). La tuta teritorio estas arbarkovrita, nur escepte troviĝas malgrandaj herbejoj. La teritorio estas alirebla por turistoj.

Vidu ankaŭ[redakti | redakti fonton]

Fotogalerio[redakti | redakti fonton]

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.