Distrikto Meißen

blazono	mapo

Bazaj datumoj
Federacia lando:	Saksio
Administra urbo:	Meißen
Areo:	1 452 km²
Loĝantoj:	241 343 (fine de 2022)
Loĝantoj po km²:	173
Aŭtokodoj:	MEI, sed ankaŭ la antaŭaj kodoj GRH, RG kaj RIE
Komunumoj:	31

La distrikto Meißen (germane Landkreis Meißen) estas parto de la federacia lando Saksio, en la sudoriento de Germanio. Administra centro estas la samnoma urbo Meißen. La distrikto kovras areon de 1 452 km², kaj fine de la jaro 2022 ĝi havis 241 343 loĝantojn.

La administra unuo ekestis la 1-an de aŭgusto 2008 el la antaŭe memstaraj distriktoj Meißen kaj Riesa-Großenhain. Ĝis la 1-a de marto 2012 la distrikto apartenis al la administra distriktaro Dresden - ekde tiu dato en Saksio ne plu ekzistas la antaŭaj tri distriktaroj Chemnitz, Dresden kaj Leipzig.