Les Breuleux

El Vikipedio, la libera enciklopedio
Salti al navigilo Salti al serĉilo
Les Breuleux
Blazono de Les Breuleux
Kantono Ĵuraso
Distrikto Franches-Montagnes
Koordinatoj  47°12′45″N 7°0′15″O  /  47.2125°N, 7.00417°O / 47.2125; 7.00417 (Les Breuleux)Koordinatoj: 47°12′45″N 7°0′15″O  /  47.2125°N, 7.00417°O / 47.2125; 7.00417 (Les Breuleux)
Nombro de enloĝantoj 1375
Areo 10,80 km²
Alteco 1038 m super marnivelo
Poŝtkodo 2345
Komunumkodo 6743
Mapo de Les Breuleux
Information icon.svg
vdr

Pri la komunumo[redakti | redakti fonton]

Les Breuleux estas komunumo en la distrikto Franches-Montagnes en Kantono Ĵuraso, Svislando. Ĝi havis 1375 loĝantojn je la 31-a de decembro 2009.

Geografio[redakti | redakti fonton]

Les Breuleux situas ĉe la suda flanko de la altebenaĵo de la Liberaj Montoj. La vilaĝo mem troviĝas en plata kavaĵo inter du ĵurasaj montĉenoj. Al la komunumo apartenas krom la ĉefvilaĝo ankaŭ la vilaĝeto Les Vacheries.

Najbaraj komunumoj[redakti | redakti fonton]

La komunumo Les Breuleux limas en nordo al Muriaux, en nordoriento al La Chaux-des-Breuleux, en sudoriento al Courtelary (BE), en sudo al Cormoret (BE), en sudokcidento al Villeret (BE), en okcidento al la eksklavo Cerneux-Veusil de la komunumo Muriaux, en en nordokcidento al Le Noirmont.

Trafiko[redakti | redakti fonton]

En Les Breuleux kruciĝas la kantonaj ĉefvojoj de Saignelégier al Saint-Imier kaj de La Chaux-de-Fonds al Tramelan. La komunumo disponas pri stacidomo ĉe la trajnlinio de la Ĵurajsaj Fervojoj de Tramelan al Le Noirmont.

Historio[redakti | redakti fonton]

La unua dokumenta mencio de Les Breuleux datiĝas el la jaro 1429 kiel Les Bruilluit.[1] Ĝis 1629 Les Breuleux apartenis al la paroĥo de Montfaucon kaj poste ĝis 1661 al Saignelégier. En la jaro 1662 Les Breuleŭ ricevis propran preĝejon kaj fariĝis aparta paroĥo.

Dum mezepoko Les Breuleux apartenis al la Senjorejo Liberaj Montoj, kiu troviĝis sub la regado de la Princepiskopejo Bazelo. Post la Franca Revolucio de 1792 Les Breuleux apartenis dum unu jaro al la Raŭraka Respubliko kaj tiam de 1793 ĝis 1800 al la franca departemento Mont-Terrible, kiu tiam estis integrita al la departemento Haut-Rhin. En la jaro 1815 la Viena Kongreso atribuis la komunumon Les Breuleux al la distrikto Franches-Montagnes de la svisa Kantono Berno. Ek de la 1-a de januaro 1979 Les Breuleux apartenas al la nove fondita Kantono Ĵuraso.

Notoj kaj referencoj[redakti | redakti fonton]

  1. Fonto: Claude Rebetez: Les Breuleux en Historia Leksikono de Svislando (2009-08-06)

Eksteraj ligiloj[redakti | redakti fonton]

  • Kunlaboru en Commons Komunejo proponas multimediajn dosierojn al temo sub la gloso Les Breuleux