Licicirupo

Kiel legi la taksonomion Grunda turdo
Grunda turdo
Biologia klasado
Regno: Animalia - animaloj Filumo: Chordata - ĥorduloj Klaso: Aves - birdoj Ordo: Passeriformes - paseroformaj Familio: Turdidae - turdedoj Genro: Turdus - turdo Specio: T. litsitsirupa - grunda turdo
Dunomo
Turdus litsitsirupa (Smith, A, 1836)
Konserva statuso
Konserva statuso: Malplej zorgiga
Subspecioj
3 subspecioj, vidu tekston.
Sinonimoj
Psophocichla litsitsirupa Psophocichla litsipsirupa
Aliaj Vikimediaj projektoj

La grunda turdo aŭ Grundoskrapulo, aŭ Licicirupo (latine Turdus litsitsirupa) estas birdospecio el la familio de turdedoj. Ĝi troviĝas en suda Afriko.

Taksonomio

Laŭ AviList, jen ĉi-sube la listo de la akceptitaj taksonoj por tiu specio, kaj ties Esperantaj nomoj:

• Passeriformes - paseroformaj
  • Turdidae - turdedoj
    • Turdus Linnaeus, C, 1758 - turdo
      • Turdus litsitsirupa (Smith, A, 1836) - grunda turdo
        • Turdus litsitsirupa litsitsirupa (Smith, A, 1836)
        • Turdus litsitsirupa stierlingi (Reichenow, A, 1900)
        • Turdus litsitsirupa pauciguttatus Clancey, PA, 1956

Estas 3 subspecioj:

• P. l. litsitsirupa estas la plej suda formo, loĝanta el Namibio, Bocvano, Zimbabvo kaj Mozambiko suden al nordaj kaj orientaj partoj de Sudafrikio.
• P. l. stierlingi troviĝas en zono el norda Angolo tra okcidenta Tanzanio, Malavio kaj nordokcidenta Mozambiko.
• P. l. pauciguttatus troviĝas en suda Angolo, norda Namibio kaj nordokcidenta Bocvano.

Antaŭe estis kvara subspecio, P. l. simensis, separata el la aliaj en la altaj teroj de Etiopio kaj Eritreo. Nun tiu taksono estas traktata kiel aparta specio, la etiopia turdo (Turdus simensis).

Priskribo

Ĝi estas 22–24 cm longa, kun tre stara sinteno, mallonga vosto, forta beko kaj longaj kruroj. La supraj partoj estas tute grizbrunaj kun sablokolora flugilzono. La subaj partoj estas blankaj kun nigraj grandaj punktoj kaj la vizaĝo estas blanka kun nigraj markoj kuiuj faras ĉefe formon de vizaĝa ringo; temas pri simila aspekto al tute malproksima Viskoturdo, sed multe pli malgranda, mallongvosta kaj stareca. Krome la subflugiloj havas blankanigran bildon kiu videblas dum la ondeca flugo. La kruroj estas flavecaj kaj la beko havas flavecan suban makzelon kun malhela pinto kaj malhelan supran makzelon; la ĉirkaŭokula ringo estas hela.

Tiu birdo havas malrapidan fajfan birdokanton kaj klakan alvokon.

La tasforma nesto estas konstruita uzante vegetaĵaron kaj araneretojn kaj estas kovrita per plumoj aŭ folioj. La ino demetas 3 aŭ 4 ovojn kiuj estos kovataj dum 14 al 15 tagoj. Ili estas bluecaj kun lilaj kaj ruĝbrunaj punktoj kaj makuletoj.

Tiu specio troviĝas en savano, herbejoj kaj malferma arbaro. Ili povas esti iom maltimidaj kaj manĝi ĉe parkoj, ĝardenoj kaj similaj lokoj.

Referencoj

• Sinclair, Ian & Ryan, Peter (2003) Birds of Africa south of the Sahara, Struik, Cape Town.
• South African Tours Grundoskrapulo Arkivigite je 2009-09-02 per la retarkivo Wayback Machine