Ludányhalászi

Ludányhalászi (ludAnjhalAsi) estas vilaĝo en Hungario, en regiono Norda Hungario, en departemento Nógrád, en subregiono de Szécsény. "Halász" signifas: fiŝisto. Ludányhalászi estas 6 km-ojn longa, kiu estas la plej longa vilaĝo de Hungario.

Kastelo kaj preĝejo de Ludányhalászi

Bazaj informoj

• Areo: 21  km²
• koordinatoj de Tutmonda loktrova sistemo: 48.1345/19.5253
• Loĝantaro: 1630
• Poŝtkodo: 3188
• Telefonprefikso: 32

Situo

Ludányhalászi situas en valo, laŭ maldekstra bordo de Ipeľ (kiu samtempe estas ankaŭ la slovaka landlimo), laŭ traira flankovojo kaj fervojo Balassagyarmat-Ipolytarnóc. Budapeŝto troviĝas en distanco de 90 km. Szécsény de 5 km. Ekde 2008 ambaŭ ŝtatoj apartenas al interna zono de Schengen, sekve la limo estas trairebla principe senkontrole.

Historio

La loko estis unuafoje menciita en 1250 en formo "Halászi", sed apude estis ankaŭ vilaĝo "Ludány". Ekde 1552 ili apartenis al la Osmana Imperio. Iam Ludány estis disigita al Felső- kaj Alsó-Ludány (=Supra kaj malsupra Ludány). Post Traktato de Trianon ambaŭ vilaĝoj trovis sin apud al la nova landlimo. En 1948 unuigita vilaĝo naskiĝis, kies nomo iĝis Ludányhalászi.

Vidindaĵoj

• fundamente mezepoka katolika Preĝejo de Sankta Andreo (Ludányhalászi)
• klasikisma unuetaĝa kastelo de Ráday (rAdai) kun protektata parko
• fiŝkaptistaj lagoj
• ŝtona kruco de 1802

Famuloj

• en vilaĝo Ludány naskiĝis grafo Gedeon Ráday
• en vilaĝo Felsőludány naskiĝis historiisto Elemér Varjú