Malsupra-gvineaj arbaroj
| Malsupra-gvineaj arbaroj | |
|---|---|
| ekoregiono | |
| regiono [+] | |
La malsupra-gvineaj arbaroj estas regiono de marbordaj tropikaj humidaj foliarbaroj etendiĝanta laŭlonge de la marbordo de Gvinea Golfo ekde orienta Benino tra Niĝerio kaj Kameruno.
La Benina Senarbejo, regiono de savano kaj seka arbaro en Togolando kaj Benino, disigas la malsupra-gvineajn arbarojn de la supra-gvineaj arbaroj en la okcidento. Tiuj ĉi etendiĝas ekde Togo ĝis Gvineo. Al nordo kaj nordoriento, la malsupra-gvineaj arbaroj transiras al pli sekaj landinternaj gvinea arbara-savana mozaiko kaj nord-konga arbara-savana mozaiko, kaj al sudo al kongaj marbordaj arbaroj. Al oriento, la malsupra-gvineaj arbaroj limtuŝas la vastajn kongajn arbarojn de Konga Baseno; kaj al sudoriento, la malsupra-gvineaj arbaroj estas limigitaj de la okcident-Konga arbara-savana mozaiko.
La malsupra-gvineaj arbaroj samhavas multajn biotajn similecojn kun la supra-gvineaj arbaroj. Ili estas kolektive konataj kiel gvineaj arbaroj de Okcidentafriko.
Ekoregionoj[redakti | redakti fonton]
La Monda Natur-Fonduso (WWF) subdividas la malsupra-gvineajn arbarojn en plurajn diferencajn ekoregionojn (oblikve : tutmondaj 200-regionoj) :
- Nigeriaj malaltaĵaj arbaroj (Togo, Niĝerio)
- Niĝer-deltaj marĉarbaroj (Niĝerio)
- Kros-niĝeraj transiraj arbaroj (Niĝerio)
- Marbordaj arbaroj de Kros-Sanago-Bioko (Niĝerio, Kameruno, Ekvatora Gvineo)
- Kamerunaj montarbaroj (Niĝerio, Kameruno)
- Monto-kamerunaj kaj biokaj montarbaroj (Kameruno, Ekvatora Gvineo)
- Humidaj malaltaĵaj arbaroj de Santomeo kaj Principeo (Santomeo kaj Principeo)
- Atlantik-marbordaj ekvatoraj arbaroj (Kameruno, Ekvatora Gvineo, Gabono, Kongo Brazavila, Kabindo kaj Kongo Kinŝasa)
La WWF estas signintaj du kunigitajn ekoregionojn de la malsupra-gvineaj arbaroj kiel prioritata tutmondaj 200-regiono por la naturkonservado. La regiono de la Kongaj marbordaj arbaroj ampleksas la marbordajn arbarojn de Kroso-Sanago-Bioko, la humidajn malaltaĵajn arbarojn de Santomeo kaj Principeo, kaj la atlantik-marbordajn ekvatorajn arbarojn. La tutmondaj 200-unuo kamerunaj montarbaroj inkluzivas la kamerunajn montarbarojn kaj la monto-kamerunajn kaj biokajn montarbarojn.
Vidu ankaŭ[redakti | redakti fonton]
Eksteraj ligiloj[redakti | redakti fonton]
- angle Tutmondaj 200; numero 2 : Kongaj marbordaj arbaroj (WWF) Arkivigite je 2017-01-11 per la retarkivo Wayback Machine
- angle Tutmondaj 200; numero 3 : Kamerunaj montarbaroj (WWF) Arkivigite je 2013-05-01 per la retarkivo Wayback Machine
- Afrotropisaj ekoregionoj
- Tropikaj kaj subtropikaj humidaj foliarbaroj
- Global 200
- Geografio de Angolo
- Geografio de Benino
- Geografio de Ekvatora Gvineo
- Gabono
- Geografio de Kameruno
- Geografio de la Respubliko Kongo
- Geografio de la Demokratia Respubliko Kongo
- Geografio de Niĝerio
- Santomeo kaj Principeo
- Geografio de Togolando