Margret Brandenburg

El Vikipedio, la libera enciklopedio
Salti al navigilo Salti al serĉilo
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.
Margret Brandenburg
Personaj informoj
Naskiĝo 30-an de novembro 1931 (1931-11-30)
Morto 30-an de novembro 2011 (2011-11-30) (80-jara)
Ŝtataneco Germanio
Profesio esperantisto
Lingvoj Esperanto
Familianoj
Edz(in)o Willi Brandenburg
Infanoj Ulrich Brandenburg, Guido Brandenburg
v  d  r
Information icon.svg

Margret Brandenburg (naskiĝinta en 1932, mortinta 80-jara en 2012) estis germana esperantistino en Telgte apud Münster (Monastero) en Vestfalio. Ŝi estis membro de plurgeneracia esperantlingva familio, edzino de Willi Brandenburg, kaj kun li patrino de la du filoj Ulrich kaj Guido Brandenburg, kiuj poe ankaŭ havas esperantlingvajn familiojn.

Krom esti motoro en la loka Esperanto-movado de la urbo Münster, kaj dum multaj jaroj funkcii kiel trankviliga ekvilibranto en la foje tre emociaj kaj koleriĝemaj debatoj en naciaj kunvenoj de Germana Esperanto-Asocio, aparte elstarigindas ŝia engaĝiĝo kiel motoro de germania Asocio por la Prospero de la esperantlingva infanejo kaj farmejo Bona Espero en Brazilo. Ŝi helpis aĉeti pere de katolika germania helporganizo Misereor la unuan traktoreton por la terkultivado, konstrui la grandegan tegmenton sur la infandomo kaj fine organizis la fondon de la subtena asocio en marto 1981.[1]

Krome, ekde ties fondiĝo en 1980 ŝi multajn jarojn estis aktiva redaktoro kaj redakciano de la esperantlingva socipolitika revuo Monato.

Referencoj[redakti | redakti fonton]