Masakro de Buĉa
La Masakro en Buĉa (ukraine Бучанська різанина) estas masakro de civiluloj, akompanata de kazoj de rabado, kidnapo kaj torturo[1][2][3], farita en marto 2022 en la urbo Buĉa kaj ties ĉirkaŭaĵo, en teritorioj kontrolita de rusiaj trupoj[4] dum la invado de Ukrainio. La okazaĵoj prezentas signojn de militkrimoj kaj krimoj kontraŭ la homeco, en kiuj la soldatoj de la Rusiaj Armitaj Fortoj estas akuzitaj[5][6][7].
La 25-an de februaro 2022, la unuaj kolizioj inter ukrainaj trupoj kaj rusiaj specialaj trupoj okazis en Buĉa[5]. De la 5-a de marto ĝis la 31-a de marto, Buĉa estis sub la kontrolado de rusiaj soldatoj, kiuj kreis malantaŭbazon en la urbo por atako al Irpin (la grandurbo por kiu la bataloj daŭris dum marto) [5][8]. Post kiam la ukrainiaj trupoj eniris Buĉa-on la 1-an de aprilo, la monda amaskomunikilaro[9][10][11] komencis publikigi foto- kaj videpruvojn de la mortigoj de civiluloj[12], pri kiuj la ukrainiaj aŭtoritatoj akuzis la rusian militistaron. Post la foriro de rusiaj trupoj, pli ol 30 kadavroj de homoj en civilaj vestaĵoj estis trovitaj sur la stratoj de la urbo, en la kelo de la infana tendaro kaj en la kortoj de domoj[5]. Pliaj 67 korpoj estis elfositaj de la amastombo proksime de la preĝejo de Sankta Andreo la Unua-Vokita [21][22]. Ekento montris, ke 40 el ili estis civiluloj[13] kaj ke kelkaj dekoj da homoj mortis pro artilerio aŭ tankatakoj uzantaj kontraŭpersonajn obusojn plenigitajn je metalaj sagetoj[14]. Laŭ la ukrainiaj aŭtoritatoj, post la retiro de rusiaj soldatoj el Buĉa kaj aliaj setlejoj en la najbareco de Kievo, pli ol 1000 korpoj estis trovitaj[15][16][17]. Ĝis la 9-a de aprilo, la Oficejo de la Alta Komisaro de la Unuiĝintaj Nacioj pri Homaj Rajtoj dokumentis ĉirkaŭ 50 mortigojn de civiluloj en Buĉa, inkluzive kiel rezulto de amasaj ekzekutoj[18].
La murdoj en Buĉa estis kondamnitaj de aktivuloj, politikistoj kaj kulturfamuloj de Rusio, Ukrainio kaj tutmonde[19][20]. Prezidanto de Ukrainio Volodimir Zelenskij kaj kelkaj eŭropaj politikistoj priskribis tion, kio okazis kiel genocido de la ukrainia popolo fare de Rusio[21][22][23].
Reprezentantoj de la internacia humanitara organizo Human Rights Watch deklaris la okazaĵon kiel ebla krimo kontraŭ la homaro, kaj rimarkigis ke tro fruas por nomi la okazaĵon "genocido"[24]. Ĝenerala sekretario de Amnestio Internacia Agnès Callamard deklaris, ke raportoj de Buĉa malkaŝas "pli larĝan ŝablonon de militkrimoj" faritaj de la rusia armeo kaj ke ili devus esti esploritaj[25].
Rusio deklaris ke ĝia armeo ne estis implikita en la mortoj de civiluloj kaj akuzis la ukrainian flankon je fabrikado de multaj indicoj (inkluzive de fotografiaj kaj videomaterialoj, atestulaj rakontoj kaj ĵurnalismaj enketoj). Laŭ multaj mondaj amaskomunikiloj, politikistoj kaj fakuloj, la deklaroj faritaj de Rusio post apero de raportoj pri la masakro en Buĉa estas propagando[26][27] kaj misinformado[28][29], kaj la argumentoj cititaj de la rusia flanko ne estas kredindaj[30][31][32].
Referencoj[redakti | redakti fonton]
- ↑ In Ukraine, New Reports of War Crimes Emerge as Russians Retreat From Kyiv Area The Wall Street Journal, 3-a de aprilo 2022
- ↑ ‘Not isolated incidents’: Amnesty accuses Russia of war crimes Al Jazeera, 6-a de majo 2022
- ↑ In Bucha, the scope of Russian barbarity is coming into focus The Washington Post, 6-a de aprilo 2022
- ↑ Массовые убийства мирных жителей в Буче: что известно на данный момент BBC, 6-a de aprilo 2022
- ↑ 5,0 5,1 5,2 5,3 Как убивали людей в Буче Подробная реконструкция событий. И разбор «версий» кремлевской пропаганды Meduza, 6-a de aprilo 2022
- ↑ ‘They were all shot’: Russia accused of war crimes as Bucha reveals horror of invasion The Guardian, 3-a de aprilo 2022
- ↑ As Russian Troops Retreat From Irpin And Bucha, More Evidence Of Putin’s War Crimes Emerges Forbes, 3-a de aprilo 2022
- ↑ Буча. Разбираем российские версии Медиазона, 5-a de aprilo 2022
- ↑ EU accuses Russian troops of committing atrocities in Ukrainian town Bucha Reuters, 3-a de aprilo 202
- ↑ Hundreds buried in mass grave in Bucha, near Kyiv: Mayor Al Jazeera, 2-a de aprilo 2022
- ↑ Ukraine war: Bucha street littered with burned-out tanks and corpses BBC, 3-a de aprilo 2022
- ↑ День, когда мир был шокирован свидетельствами из Бучи. Главное Meduza, 3-a de aprilo 2022
- ↑ В Буче провели эксгумацию тел, похороненных в одной из крупнейших братских могил в Украине. 40 из 67 погибших — мирные жители, у многих — огнестрельные ранения Meduza, 9-a de aprilo 2022
- ↑ В телах убитых в Буче и Ирпене нашли флешетты — маленькие металлические дротики, которые применяли во время Первой мировой войны Meduza, 25-a de aprilo 2022
- ↑ ‘This tears my soul apart’: A Ukrainian boy and a killing AP26-a de majo 2022
- ↑ Как детский лагерь в Буче стал расстрельным подвалом. Репортаж Би-би-си BBC, 17-a de majo 2022
- ↑ Ukraine: The children's camp that became an execution ground BBC, 16-a de majo 2022
- ↑ Bachelet urges respect for international humanitarian law amid growing evidence of war crimes in Ukraine Retejo de UN, 22-a de aprilo 2022
- ↑ «Мир должен ужаснуться». В офисе президента Украины прокомментировали сообщения о погибших в Буче Meduza, 3-a de aprilo 2022
- ↑ Berlin condemns Bucha ‘war crime,’ wants more EU sanctions against Russia Al Arabiya News, 3-a de aprilo 2022
- ↑ Ukraine: Germany's Scholz vows response over Bucha deaths — as it happened Deutsche Welle, 3-a de aprilo 2022
- ↑ https://www.aljazeera.com/news/2022/4/3/ukraines-president-calls-civilian-killings-by-russia-genocide Al Jazeera, 3-a de aprilo 2022
- ↑ Polish PM calls the Bucha massacre 'genocide' Arkivigite je 2022-04-04 per la retarkivo Wayback Machine TVP World, 3-a de aprilo 2022
- ↑ Ukraine: Germany's Scholz vows response over Bucha deaths — as it happened Deutsche Welle, 3-a de aprilo 2022
- ↑ Ukraine: Apparent war crimes by Russian forces in Bucha must be investigated Amnesty international, 4-a de aprilo 2022
- ↑ Fact Check: Russia Claims Massacre in Bucha 'Staged' by Ukraine newswekk, 4-a de aprilo 2022
- ↑ Russia denies and deflects in reaction to Bucha atrocities The Washington Post, 4-a de aprilo 2022
- ↑ Debunking Russia's Bucha massacre conspiracy theories The Daily Telegraph, 4-a de aprilo 2022
- ↑ German government warns Russian speakers of Kremlin disinformation Deutsche Welle, 4-a de aprilo 2022
- ↑ Russia faces global outrage over bodies in Ukraine's streets Arkivigite je 2017-02-20 per la retarkivo Wayback Machine AP, 4-a de aprilo 2022
- ↑ "Ваш президент обвиняется в совершении военных преступлений". Джонсон по-русски рассказал россиянам о событиях в Буче Arkivigite je 2017-02-20 per la retarkivo Wayback Machine BBC, 5-a de aprilo 2022
- ↑ Фото и видео убитых людей в Буче - не фейковые: фактчек DW Deutsche Welle, 5-a de aprilo 2022