Volodimir Zelenskij

Volodimir Zelenskij
Prezidento de Ukrainio
Persona informo
Naskonomo	Володимир Олександрович Зеленський
Naskiĝo	25-an de januaro 1978 (1978-01-25) (43-jara) en Krivij Rih
Etno	Ukrainoj [#]
Lingvoj	rusa • angla • hebrea • ukraina [#]
Ŝtataneco	Ukrainio • Sovetunio [#]
Alma mater	Kryvyi Rih Institute of Economics [#]
Partio	Servanto de la Nacio [#]
Subskribo
Familio
Patro	Oleksandr Zelenskyy [#]
Patrino	Rimma Zelenska [#]
Edz(in)o	Olena Zelenska [#]
Infanoj	Kiril Zelensky [#]
Profesio
Alia nomo	Зелёный [#]
Okupo	scenaristo • juristo • komikisto • prezentisto • produktoro • kantisto • aktoro • televida prezentisto • televida produktoro • imitisto • humuristo • amuzisto • politikisto • showman • filmreĝisoro • KVN actor [#]
Laborkampo	aktorado • parodio • amuzindustrio [#]
Aktiva dum	1995– [#]
Honorigoj Honorigoj Honorary Diploma of the Cabinet of Ministers of Ukraine [#]
En TTT	Oficiala retejo [#]
6-a Prezidento de Ukrainio
Dum	20-a de majo 2019 -
Antaŭulo	Petro Poroŝenko
[#]	Fonto: Vikidatumoj

Volodimir Oleksandroviĉ Zelenskij (ukraine Володимир Олександрович Зеленський; naskiĝis la  25-an de januaro 1978(nun 1978-01-25) en Krivij Rih) estas ukraina politikisto, scenaristo, aktoro kaj reĝisoro. Li iĝis la Prezidento de Ukrainio, post kiam li gajnis la baloton kontraŭ Petro Poroŝenko la 21-an de aprilo 2019.

Skandalo pri Donald Trump

La 24-an de septembro 2019 la prezidantino de la malsupra ĉambro de la Usona Kongreso Nancy Pelosi anoncis elpostenigan enketon pri la konduto de la usona prezidanto Donald Trump. Tion kaŭzis lia konversacio kun Volodimir Zelenskij, okazinta la 25-an de julio 2019, post la parlamenta baloto en Ukrainio, dum kiu venkis la partio de Zelenskij. Ĝi estis malsekretigita kaj publikigita la 26-an de septembro. La 31-an de oktobro la malsupera ĉambro de la usona parlamento, la Domo de Reprezantantoj, voĉdonis por permesi publikan enketon pri la eksigo de Donald Trump. Tamen la 5-an de februaro 2020 li estis senkulpigita pri ĉiuj akuzoj.

Skandalo pri financa nekompetenteco

En januaro 2020 en Interreto aperis tri sonregistraĵoj, en kiuj aŭdiĝas konversacio de homoj, kies voĉoj similas al tiuj de la ĉefministro Oleksij Honĉaruk, la prezidanto de la Nacia Banko Jakov Smolij kaj ĝia vic-prezidanto Ekaterina Roĵkova, la ministro pri financoj Oksana Markarova, ministro pri ekonomio Timofej Milovanov kaj kelkaj aliaj. Interalie aŭdeblas la voĉo de Oleksij Honĉaruk, diranta ke "Zelenskij havas tre primitivan komprenon de la ekonomiaj procezoj". Samtempe ankaŭ sin mem li nomas nulo rilate ekonomikon, same kiel la prezidanton. BBC asertas ke la sonregistraĵo estis farita dum neformala kunsido okazinta la 16-an de decembro 2019. Sekve de la skandalo Oleksij Honĉaruk petis sian eksiĝon, kiu estis rifuzita.

Eksteraj ligiloj

• Oficiala retejo
• Volodimir Zelenskij ĉe Interreta filma datumbazo (angle)