Donald Tusk

El Vikipedio, la libera enciklopedio
Salti al navigilo Salti al serĉilo
Donald Tusk
La nomumado de Donald Tusk je ofico de Ĉefministro de Pollando fare de Prezidento de Pollando Lech Kaczyński (2007)
Donald Tusk (Ĉefministro de Pollando) kaj Prezidento de Rusio Dmitrij Medvedev en 2010
Donald Tusk kaj aktuala Prezidanto de la Eŭropa Komisiono Jean-Claude Juncker, Poznano, 2014.

Donald Franciszek TUSK (naskiĝis la 22-an de aprilo 1957 en Gdańsk) estas pola politikisto, kunfondinto kaj de 2002 prezidanto de la partio Civitana Platformo (Platforma Obywatelska, PO). De 2001 al 2005 li estis vicprezidanto de la pola parlamento. Inter 2003 kaj 2006 li estis estro de la PO-frakcio en la parlamento. De la 16-a de novembro 2007 ĝis la 18-a de novembro 2011 kaj de la 18-a de novembro 2011 ĝis la 22-a septembro 2014 li estis ĉefministro en Pollando. Ekde la 1-a de decembro 2014 li estas Prezidanto de la Eŭropa Konsilio post Herman Van Rompuy.

Tusk kandidatis en la elektoj pri la pola prezidanteco je la 9-a de oktobro 2005 kaj en la unua baloto ricevis 36,3% da voĉoj, relativan plimulton. En la dua baloto je la 23-a de oktobro 2005 li malvenkis kontraŭ Lech Kaczyński, tiama urbestro de Varsovio, per 46,5% kontraŭ 53,5%. Kaczyński en la unua baloto estis ricevinta 33,1%.

En la parlamentaj elektoj la 21-an de oktobro 2007 lia partio ricevis la plimulton de la voĉoj (ĉ. 44%). Donald Tusk fariĝis la nova ĉefministro de Pollando, post Jarosław Kaczyński. Tiupostene li gvidis la duan koalician registaron de Civitana Platformo kaj Pola Popola Partio ĝis sia demisio favore al Ewa Kopacz.

Ambaŭ liaj gepatroj estas de origino kaŝuboj. Donald Tusk estas edzo de Małgorzata Tusk kaj havas kun ŝi du gefilojn: filo Michał (n. 1982) kaj filino Katarzyna (n. 1987).

Tusk parolas angle kaj germane.

Publikaĵoj[redakti | redakti fonton]

  • Był sobie Gdańsk (Estis Gdańsk), Gdańsk 1997
  • Idee gdańskiego liberalizmu (Ideoj de liberalismo en Gdańsk), Gdańsk 1998
  • Solidarność i duma (Solidareco kaj fiero), Gdańsk 2005

Interesaĵo[redakti | redakti fonton]

En majo 2012 Donald Tusk ricevis Premion je la nomo de Walther Rathenau pro meritoj favore al la Eŭropa integrado. Notindas, le la patrono estis adepto de la tezo pri "sezona" pola ŝtato, kaj ankaŭ ĉefarkitekto de la traktato de Rapallo, kiu iĝis pramodelo de la pakto Ribbentrop-Molotov, kun ties sekreta aldona protokolo.

Eksteraj ligiloj[redakti | redakti fonton]

Antaŭe:Ĉefministro de PollandoPoste:Flago-de-Pollando.svg
Jarosław Kaczyński20072014Ewa Kopacz
Antaŭe:Prezidanto de la Eŭropa KonsilioPoste:Flago-de-EU.svg
Herman Van Rompuyekde 1-a decembro 2014