Migdalujo

Kiel legi la taksonomion Migdalujo
Migdalujo kun maturigantaj fruktoj. Majorko, Hispanio.
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonaj plantoj Magnoliopsida Ordo: Rozaloj Rosales Familio: Rozacoj Rosaceae Subfamilio: Prunoideoj Prunoideae Genro: Prunuso Prunus Subgenro: Amygdalus Specio: P. dulcis
Dunomo
Prunus dulcis (Mill.) D.A.Webb
Aliaj Vikimediaj projektoj

Migdalujo (latine: Prunus dulcis aŭ Amygdalus communis) estas arbo el la familio rozacoj (latine: Rosaceae), kies rozblankaj floroj aperas antaŭ la folioj. La migdalujo estas la simbolo de virgeco, kaj ĝia frukto estas la migdalo.

Arbo estas maldika sed abunda per folioj, alta inter 8 kaj 12 m. Ĝiaj branĉoj estas pikaj kaj branĉetoj nudaj, glataj ruĝetaj. Folioj estas simplaj, ovformaj kun pika fino. Supra flanko de folioj estas malhelverda kaj brila, suba flanko iom hara.

Floroj estas blankaj ĝis rozkoloraj, meze grandaj, du seksaj kaj unuopaj.

Fruktoj, migdaloj, estas eliptaj ĝis rondformaj, iom plataj kun unu sola semo en la kerno. Oni rompas lignetan ŝelon por preni semon kiun oni manĝas.

La migdalujo estas unu el la arboj kiuj plej frue floras, en Mediteraneo ekde januaro aŭ februaro kiam ankoraŭ aliaj arboj ne floris kaj kiam la arbo mem ankoraŭ ne havas foliojn, pro tio ili konsistigas belegajn vidindaĵojn kaj eĉ pejzaĝojn.

Bildoj

• 
  Floroj de migdalujo
• 
  Floranta migdalarbo en Retamal de Llerena, suda Hispanio.
• 
  Floranta migdalujo en vitejo de Bensheim, Germanio.
• 
• 
  Migdaluja ĝardeno ĉe Hustopeče
• 
  Migdalarbo ĉe La Haba, sudokcidenta Hispanio.

Vidu ankaŭ

Emin-vala stepo

Flaŭro de Maroko

Kopetdago, Kopetdagaj duonarbaroj kaj arbarstepo

Zagros-montara arbarstepo