Molenwaard

El Vikipedio, la libera enciklopedio
Jump to navigation Jump to search
ISO
Komunumo Molenwaard

Flago de la komunumo Molenwaard

Blazono de komunumo Molenwaard

Flago de la komunumo Molenwaard Blazono de komunumo Molenwaard
Situo de la komunumo Molenwaard
Provinco Suda Holando
Urbestro
Ĉefloko Bleskensgraaf
Areo
 - Tero
 - Akvo
126,47 km²
118,29 km²
8,18 km²
Loĝantaro
 - Loĝdenso
29.043 (1-a de januaro 2014)
246 loĝ./km²
Geografia situo 51° 52′ N, 4° 47′ O51.8666666666674.7833333333333Koordinatoj: 51° 52′ N, 4° 47′ O
Gravaj trafikaj arterioj N216, N480, N481
Telefona kodo +31 184
Poŝtkodo 2957–2977
Oficiala retejo http://www.gemeentemolenwaard.nl
v  d  r
Information icon.svg

Molenwaard estas komunumo en la sudokcidenta parto de la provinco Suda Holando (Zuid-Holland) de Nederlando. Ĝi estas rezulto de unuiĝo de la antaŭaj komunumoj Graafstroom, Liesveld kaj Nieuw-Lekkerland la 1-an de januaro 2013. La tiel kreita komunumo kovras areon de 126,47 kvadrataj kilometroj kaj la 1-an de januaro 2014 havis 29 043 loĝantojn, kio rezultigas loĝdenson de po 246 homoj laŭ kvadrata kilometro. Administra adreso de la komunumo estas poŝtkesto en la loĝloko Bleskensgraaf, simile grandas la loĝlokoj Groot-Ammers kaj Nieuw-Lekkerland, kaj malpli multajn loĝantojn havas la lokoj Brandwijk, Goudriaan, Kinderdijk, Langerak, Molenaarsgraaf, Nieuwpoort, Ottoland, Oud-Alblas, Streefkerk, Wijngaarden.

La komunumo estas la unua en Nederlando kiu aspiras esti komunumo sen urbodomo. Ene de la nova serva koncepto centras komputilaj servoj kaj nur aldone iuj personaj servoj en elektitaj ĉambroj de la vilaĝocentroj. Tio signifas, ke la loĝantoj kaj reprezentantoj de entreprenoj ne plu devas iri al urbodomo por plenumo de administraj servoj. La celo estas ke surbaze de la "virtuala oficejo" la komunumo povu komplete reguligi siajn servojn kaj procedojn.

"Lando de muelejoj"[redakti | redakti fonton]

La komunuma nomo konsistas el la eroj "molen" (muelejoj) kaj "waard", geografia nomo por senmonta, apudrivera, kutime eksmarĉa, do per homa laboro sekigita pejzaĝo. La nomo jam indikas ke la pejzaĝo aparte karakteriziĝas per (vent)muelejoj. Aparte konatas la 19 ventmuelejoj de Kinderdijk, kiuj estas unu el la plej konataj turismaj vizitindaĵoj de Nederlando, kaj estas enskribitaj en la listo de Mondheredaĵoj de UNESKO en 1997.

Biblia zono[redakti | redakti fonton]

La regiono estas parto de la tiel nomata "biblia zono de Nederlando", en kiu dominas aparte fervoraj kristanoj. Granda plimulto estas membroj de ortodoksa protestantismo kaj kalvinismo.

Eksteraj ligiloj[redakti | redakti fonton]

la ventmuelejoj de Kinderdijk
la ventmuelejo de Goudriaan