Montara agrikulturisto
Montara agrikulturisto aŭ montara kampulo estas terkultivisto en montaro . La montara agrikultura entrepreno estas ofte malfacile prilaborebla, ĉar la deklivoj malebligas aŭ malfaciligas la uzon de teknikaj maŝinoj. Estas pli malfacile ol en ebena tereno perlabori la kampojn kaj paŝtejojn. Krome pro ekstremaj klimataj kondiĉoj la kampoj aŭ paŝtejoj estas ofte malfacile atingeblaj.
Priskribo
[redakti | redakti fonton]
Al la tipaj nemoveblaĵoj de montara terkultivisto apartenas montara bieno kaj depende de la situo unu aŭ pluraj alpopaŝtejoj, kiuj nur estas uzataj en somero por paŝti la gregon. Necesas dufoje bestpelado. La pelado supren al la alpopaŝtejo en printempo kaj la pelado malsupren al la stalo en aŭtuno. La eŭropaj montaranoj plej ofte havas kaprojn, ŝafojn kaj bovojn. Tipaj produktoj estas butero, fromaĝo kaj bovaĵo. Apud la direkta surmerkado de agrikulturaj produktoj, la turismo (libertempo sur la bieno) ludas gravan rolon por enspezi monon.
