Ngugi wa Thiong'o

El Vikipedio, la libera enciklopedio
Saltu al: navigado, serĉo
Ngũgĩ wa Thiong'o, 2007, London

Ngũgĩ wa Thiong’o (* 5-a de januaro 1938 en Kamiriithu, Limuru, Kenia) estas kenja aŭtoro kiu verkis en la angla unue kaj post elekto en la kikuja lingvo. Li kultursciencisto interalie en la Yale University, New York University kaj en la University of California en Irvine.


Verkoj kaj politiko[redakti | redakti fonton]

Pro lia teatropeco Ngaahika Ndeenda (1977) (Mi edziĝos al vi, kiam mi volas) la reĝimo sub prezidento Jomo Kenyatta torturigis lin kaj enkarcerigis (decembre 1977) lin en la altsekureca karcero en Najrobo sen proceso. La teatraĵon oni rolludis en la kikuja lingvo antaŭ populara spektantaro. En malliberejo li reverkis en kikuja lingvo en sia biblio kaj sur neceseja papero: "Caithani Matharaba-ini" (Diablo sur la kruco). En tiu libro li denuncas la fiulojn, kiuj regas la landon post la sendependiĝo. Lia sekva teatraĵo "Maitu Njugira" (1982) estis malpermisita, kaj la teatro, kie oni antaŭplanis ludi la tetraĵon estis detruita..

Registaro "Moi" ankaŭ malpermesis. Nur kun malfacilaĵoj li trovis komence de la 80-aj jaroj en Britio politikan asilon.

" Por Malkoloniigi la menson"(1986) estas lia adiaŭo al la angla lingvo. De tiam li verkis nur en sia patrina lingvo, la kikuja lingvo, por rekte atingi sian unuan publikon : kamparanoj kaj laboristoj de Kenjo.

Kulturkritikaj eseoj[redakti | redakti fonton]

En lia ese-kolekto “Moving the Centre” (Movi la centron) troviĝas elekto da prelegoj kaj artikoloj, kiuj funde klarigas liajn postkoloniisman kritikon kaj kultursciencajn tezojn.

Romanoj[redakti | redakti fonton]

Lia romano Weep Not, Child en 1964 estis publikigita kaj famigis lin mondvaste.

Sekvis The River Between (1965), A Grain of Wheat (1967), kaj Petals of Blood (1977). La romanon Devil on the Cross li skribis en 1980 dum sia mallibereco marĝene de sia biblio kaj sur neceseja papero. Estis lia unua romano en la kikuja lingvo. La sekvajn du romanojn, Matigari (1986) kaj Wizard of the Crow (2006), li same skribis en la kikuja kaj poste mem tradukis en la anglan.

Distingoj[redakti | redakti fonton]

Eksteraj ligiloj[redakti | redakti fonton]