Nicola Cristaldi

El Vikipedio, la libera enciklopedio
Salti al navigilo Salti al serĉilo
Cristaldi1.JPG

Nicolò CRISTALDI nomata Nicola (n. la 6-an de decembro 1950 en Mazara del Vallo) estas itala politikisto kaj artisto.

Nicola Cristaldi estis prezidanto de la sicilia regiona parlamento inter 1996 kaj 2001. Elektita al la Ĉambro de Deputitoj en 2001, li forlasis la nacian deputitaron en 2011. Ekde 2009, Nicola Cristaldi estas urbestro de Mazara del Vallo.

Li estis ano de la partio Alleanza Nazionale, kiu en 2009 fariĝis komponanto de la Popolo de Libereco kiun Cristaldi forlasis en 2013[1].

Verkisto[redakti | redakti fonton]

Nicola Cristaldi estas ĵurnalisto, publicisto kaj ĉefredaktoro de la monata revuo "Euromediterraneo" inter 1997 kaj 2001. Nuntempe li estas ĉefredaktoro de la politika revuo "La Frontiera" kaj redaktoro de la retejo destraitalia.it (dekstra Italio).

Artisto[redakti | redakti fonton]

Kiel artisto, Nicola Cristaldi dediĉas sin al pentrado, skulptado kaj ceramiko. Por subskribi siajn artaĵojn, li uzas la artistan nomon "Hajto"[2].

Nicola Cristaldi kaj Esperanto[redakti | redakti fonton]

Nicola Cristaldi bonvenigis en sia urbo la 79-an Italan Kongreson de Esperanto, kiun li mem inaŭguris la 18-an de aŭgusto 2012.

Li ankaŭ proponis al la Itala Esperanto-Federacio ke Mazara del Vallo fariĝu Esperanto-centro de Italio aŭ eĉ por la tuta Mediteraneo. Tial li apogis la instruadon de la lingvo en la urbaj lernejoj kaj la kreadon de la Centro por Esperanto kaj Interkulturo kiu funkciis en Mazara ekde januaro 2012 ĝis fino de 2013.

Notoj kaj referencoj[redakti | redakti fonton]

  1. "Cristaldi chiude la porta al Pdl "I Futuristi per andare avanti" in Il Giornale di Sicilia, 3-an de marto 2013, p. 26.
  2. http://www.hajtoceramiche.it/

Eksteraj ligiloj[redakti | redakti fonton]