Oberurnen

El Vikipedio, la libera enciklopedio
Saltu al: navigado, serĉo
Oberurnen
Blazono de Oberurnen
Katolika preĝejo de Oberurnen
Kantono Glaruso
Komunumo(j) Glaruso Nordo
Koordinatoj  47°6′50″N 9°3′29″O  /  47.11389°N, 9.05806°O / 47.11389; 9.05806 (Oberurnen)Koordinatoj: 47°6′50″N 9°3′29″O  /  47.11389°N, 9.05806°O / 47.11389; 9.05806 (Oberurnen)
Nombro de enloĝantoj 1932
Areo 12,82 km²
Alteco 430 m super marnivelo
Poŝtkodo 8868
Mapo de Oberurnen
v  d  r
Information icon.svg

Oberurnen estis ĝis la 31-a de decembro 2010 politika komunumo en Kantono Glaruso, en Centra Svislando. Ĝi havis 1932 loĝantojn je la 31-a de decembro 2008. Kun efiko de la 1-a de januaro 2011 Oberurnen estis integrita al la nova komunumo Glaruso Nordo.

Geografio[redakti | redakti fonton]

Oberurnen situas en la nordo de la kantono ĉe la transiro de la Linth-Ebenaĵo al la valo de Glaruso. Tute en la oriento la iama komunuma teritorio tuŝas la riveron Linth.

La kantona ĉefvojo de Pfäffikon tra Glaruso GL kaj Klausen-Pasejo al Altdorf pasas tra Oberurnen, sed ĉirkaŭvojo ĉirkaŭkondukas la transirtrafikon ĉirkaŭ la vilaĝocentron. En distanco de 1 km norde en Niederurnen troviĝas la plej proksima alveturejo al la svisa aŭtovojo A3.

Najbaraj komunumoj antaŭ la komunuma reformo[redakti | redakti fonton]

La iama komunumo Oberurnen limis en nordo al Niederurnen, en oriento al Mollis, en sudo al Näfels, en sudokcidento al Innerthal (SZ), kaj en nordokcidento al Schübelbach (SZ).

Trafiko[redakti | redakti fonton]

Oberurnen disponas pri stacidomo ĉe la trajnlinio de Svisaj Federaciaj Fervojoj de Rapperswil tra Uznach kaj Glaruso al Linthal. Krome ekzistas ankaŭ buslinio al la stacidomo de Ziegelbrücke.

Historio[redakti | redakti fonton]

La unua dokumenta mencio de Oberurnen datiĝas el la jaro 1340 Obern Urannen.[1]

Kadre de la Glarusa Komunumreformo la komunumo Oberurnen estis kun efiko de la 1-a de januaro 2011 kunigita kun al komunumoj Bilten, Filzbach, Mollis, Mühlehorn, Näfels, Niederurnen kaj Obstalden al la nova komunumo Glaruso Nordo.

Notoj kaj referencoj[redakti | redakti fonton]

  1. Fonto: Karin Marti-Weissenbach: Oberurnen en la Historia Leksikono de Svislando (2010-04-29)

Eksteraj Ligiloj[redakti | redakti fonton]

Bildoj[redakti | redakti fonton]