Oscar Dickson

El Vikipedio, la libera enciklopedio
Salti al navigilo Salti al serĉilo
Oscar Dickson
Oskar Dickson (1823-1897).jpg
Personaj informoj
Naskiĝo 2-an de decembro 1823 (1823-12-02)
en Domkyrkoförsamlingen i Göteborg
Morto 6-an de junio 1897 (1897-06-06) (73-jara)
Tombo Malnova tombejo en Örgryte
Ŝtataneco Svedio
Profesio entreprenisto, komercisto, esploristo, grocisto
Familianoj
Patro James Dickson
Frat(in)oj Robert Dickson, Axel Dickson, James Jameson Dickson
v  d  r
Information icon.svg

Oscar DICKSON [dikson] (naskiĝis la 2-an de decembro 1823 en Göteborg; mortis la 6-an de junio 1897 sur Almnäs-kastelo ĉe urbo Hjo) estis sveda magnato, mecenato de la polusa esplorado. Siatempe li estis konsiderita la plej influhava svedo.

Dickson estis partnero en entrepreno, kiu posedis ŝipojn kaj segejojn. La segejon de Baggböle estris James Dickson juna, kiun oni akuzis en 1850 - sensukcese - je hakado de reĝaj arbaroj (do prilaboro de ŝtelitaj arboj). Tiu segejo havis en tiu regiono fakte monopolon je aĉeto de la flositaj arbotrunkoj.

Dickson, kune kun reĝo Oskaro la 2-a de Svedio-Norvegio kaj Aleksander Sibirjakov, estis la patrono de kelkaj arktaj ekspedicioj en la 19-a jarcento. Li sponsoris esplorvojaĝojn de Adolf Erik Nordenskiöld al la kanada kaj la rusa arkto kaj Gronlando, kaj ankaŭ apogis polusan vojaĝon de Fridtjof Nansen sur Fram.

Kiel arkta entuziasmulo, Oscar Dickson kontribuis plurajn gravajn polusajn entreprenojn inter la jaroj 1860 kaj 1900. Dickson iĝis barono en 1885 fare de reĝo Oskaro. Dickson estis membro de la Reĝa Sveda Akademio de Sciencoj ekde 1878.

Laŭ li oni nomis la rusan insulon Dikson kaj Dickson-landon kaj Dickson-fjordon sur Spicbergo.