Otto von Simson

El Vikipedio, la libera enciklopedio
Salti al navigilo Salti al serĉilo

Otto von Simson (naskiĝinta la 17-an de julio 1912 en Berlino; mortinta la 24-an de majo 1993 samurbe) estis germana arthistoriisto.

Ĉar la kristano Simson havis judajn praulojn, li fuĝis post intertempa redaktista laboro por la katolika revuo Hochland 1939 de la nazia persekutado kaj elmigris en Usonon, kie li diversurbe instruis profesore.

Post remigrado al Germanujo li laboris por la ministrejo por eksterlandaj aferoj kiel delegito ĉe Unesko. Kiel ordinara profesoro pri moderna arthistorio li estis vokata en 1964 al la Libera Universitato Berlino, kie li ĝis sia pensiiĝo en la jaro 1979 ankaŭ estis direktoro de la arthistoria instituto.

Simson laŭiris vaste ampleksajn arthistoriajn interesojn. Li okupiĝis kaj pri ikonologio en mezepoka arĥitekturo, pri la interligiteco de arto kaj liturgio, pri Peter Paul Rubens kaj pri la germana pentrarto de la 19-a jarcento. Kiel lia ĉefa verko validas The Gothic Cathedral el 1956.

Eksteraj ligiloj[redakti | redakti fonton]