Paŝtoa lingvo

El Vikipedio, la libera enciklopedio
(Alidirektita el Paŝtua lingvo)
Saltu al: navigado, serĉo

La paŝtoa lingvo (originale: Paŝto sheba; en Esperanto ankaŭ paŝtua lingvo) estas sudorienta irana lingvo, en orienta kaj suda Afganio (proksim. 7 milionoj = 43 % de la afgana loĝantaro), ĉelimaj regionoj de Pakistano (ĉirkaŭ 8 milionoj). Oni distingas du dialektajn grupojn: orientan (Peŝavaro) kaj okcidentan (Kandaharo), kiuj tamen havas komunan skribolingvon (ekde la 16-a jarcento arablitere). En Afganio la paŝtoa lingvo estas unu el la du oficialaj lingvoj. Parolata ankaŭ en Pakistano de inter 12 milionoj kaj 15 milionoj da parolantoj (depende de la fonto).

La deklinacio (fleksio de substantivoj) estas en la paŝtoa reduktita al dukaza sistemo. Konserviĝis la preterita ergativ-strukturo. La sonsistemo (retrofleksaj konsonantoj) kaj leksiko estas forte influita de la hindoariaj lingvoj.