Paramé

Paramé
komunumo
Malnova urbodomo vidata de placo Georges Coudray
kvartalo • banurbo • komunumo en Francio
Regno	Francio
Regiono	Bretonio
Departemento	Ille-et-Vilaine
Arondismento	Saint-Malo
Komunumaro	Saint-Malo agglomération
Situo	Paramé
- koordinatoj	48° 39′ 27″ N 01° 58′ 58″ U (mapo)
Loĝantaro	8 811 (1962)
Horzono	MET (UTC+1)
- somera tempo	MET (UTC+2)
Poŝtkodo	35400
INSEE	35288
Geografia lokigo sur la mapo : Ille-et-Vilaine Vidu situon de Paramé kadre de Ille-et-Vilaine DEC Paramé Geografia lokigo sur la mapo : Francio Vidu situon de Paramé kadre de Francio DEC Paramé
Vikimedia Komunejo: Paramé

Digo de Rochebonne je alta tajdo

Paramé estas malnova komunumo de departemento Ille-et-Vilaine, kiu kuniĝis kun Saint-Servan kaj Saint-Malo en 1967. Ĝi situas oriente de Saint-Malo, al kiu ĝi estas ligita per "Le Sillon". Paramé estas konata pro sia plaĝo longa je preskaŭ 2 kilometroj plejofte nomita "plaĝo de Rochebonne".

Historio

La nomo Paramé venas de la gaŭla vorto Parama, kiu signifas « la plej alta », kaj nomas altebenaĵon abrupte kliniĝantan ĝis la marnivelo, inter la malsupro de Rousses kaj la malsupro de Masses.

Mezepoko

En la 6-a jc, supre de altebenaĵo de Paramé, estis kreita priorejo kun nomo « Priorejo Saint-Domin » aŭ Lann Donneck, tiu lasta estis akompananto de sankta Malo, kiu albordiĝis kun 33 religiuloj sur insulo Cézembre. Donneck estis komisiita fondi religian domon. Kapelo dediĉita al sankta Domin ekzistis en 1249 .

Modernaj tempoj

Fuĝantaj persekutoj, anglaj benediktanoj instaliĝis en Paramé ekde 1611 antaŭ ol migri al Saint-Malo. En la 17-a kaj 18-a jc, pluraj militaj kampadejoj estis starigitaj por malhelpi anglajn albordiĝojn.

• 1758. Angla albordiĝo en Cancale la 5-an de junio. Ili starigis kampadejon kun 4000 soldatoj inter Paramé kaj Saint-Ideuc, prirabis kaj detruis multajn ŝipojn en Saint-Servan. La angloj reenŝipiĝis la 10-an sekve de sciigo pri alveno de francaj trupoj el Malsupra Bretonio kaj Normandio.

Franca revolucio

En 1789, la du paroĥoj Paramé kaj Rothéneuf fariĝis du komunumojn arigitajn en kantonon. Rothéneuf estis la haveno de Paramé. Kun preteksto ke ĝi estis tro malgranda kaj enklavigita, komunumo Saint-Ideuc estis definitive neniigita kaj integrita en Paramé, la 7-an de decembro 1792.

19-a jc

Paramé Bd de Rochebonne

Tramo deiranta al Rothéneuf

Tramo antaŭ la malnova preĝejo

En la 31-a de julio 1849 aperis la unua mencio de « Marbanoj » sur la registrolibroj de la komunumo.

Granda britaro tie loĝis fine de la 19-a jc.

• 1898. Inaŭguro de tramlinio Paramé-Cancale.

20-a jc

• 1921. Prezidanta dekreto de la 13-a de aŭgusto igis Paramé "klimatan stacion".

Tiu dekreto permesas al la urbodomo pagigi restadtakson, kiu utilos por salubrigo. La urba konsilio, por promocii turismon, decidis krei blazonon por la urbo.

• 1931. Inaŭguro de nova "hôtel des Postes, Télégraphes, Téléphones" (domo de Poŝto, telegrafoj kaj telefonoj) supre de bulvardo Rochebonne fare de ministro pri Poŝtoj Charles Guernier (ĝi tie restos ĝis en 1993 kaj inaŭguro de nova poŝtoficejo apud la malnova urbodomo).

Dua mondmilito

Paramé estis batalloko inter usonaj kaj germanaj trupoj en aŭgusto 1944 okaze de la liberigo de Saint-Malo, kiun germanoj estis transformintaj en fortreson. Paramé tiam konsistigis defendlinion. Estis kontraŭtanka linio de plaĝo de Minihic, iranta tra Réservoirs, fontano aŭ Pèlerins, ponto Robert, la Godelle kaj finiĝanta ĉe la fervojo.

La batalo por la liberigo de Paramé daŭris unu semajnon.

Kuniĝo de la tri komunumoj

Ideo pri kuniĝo de la tri urboj Saint-Malo, Saint-Servan kaj Paramé estis malnova ideo.

Administrado

Listo de la sinsekvaj urbestroj
Periodo		Nomo	Partio	Funkcio
1955	1968	Georges Coudray		Lasta urbestro antaŭ kuniĝo
La tabelo estas ankoraŭ plenigenda.

Kvartaloj

Malnova komunumo Saint-Ideuc estis ligita al Paramé ekde julio 1792, fariĝante kvartalon. La paroĥo de Saint-Ideuc dependis de diocezo de Dol.

Lumturo de Rochebonne.

Loka kulturo kaj heredaĵo

Lokoj kaj monumentoj

• Digo de Paramé aŭ digo de Rochebonne : konstruita de 1883 ĝis 1913. Longa je 1 671 m, ĝi celis protekti la malnovajn sablajn dunojn kontraŭ la maro kaj ebligi konstruadon de nova kvartalo, tiel lanĉante Paramé kiel banurbon.

Malnova preĝejo de Paramé

• Malnova urbodomo de Paramé en preĝejo el granito de la 18-a jc
• Domo de Ernest Renan (apud la termobanejo de Paramé).
• Skulptitaj rokoj de Rothéneuf, faritaj de pastro Fouré.
• Lumturo de Rochebonne.
• Monumento al militmortintoj, skulptita de Louis Henri Nicot.

Elstaruloj ligitaj al Paramé

• Théophile Briant (1891-1956), bretona poeto,
• Georges Coudray (1902-1998), deputito kaj lasta urbestro de la komunumo,
• Eugène Herpin (1862-1942), loka advokato kaj historiisto.
• Fratoj Ruellan, 6 el la 10 fratoj mortis ĉe la fronto dum la unua mondmilito

Malnova blazono

	Blazono	france d'azur au navire à rames d'or, aŭ voiles éployées de même, au franc quartier d'argent chargé d'un aigle à deux têtes de sable plain esperante Lazura kun orremila ŝipo, kun malfalditaj veloj samkoloraj, kun arĝenta kvarono ŝarĝita per dukapa sabla aglo.
	Detaloj	La ŝipo estas tiu de Jacques Cartier kaj la aglo estas senjoro de Plessis-Bertrand. Kreita en 1931.

Bibliografio

• Dominique Bodin, Théophile Briant in Bulletin de la Société d'histoire et d'archéologie de l'arrondissement de Saint-Malo., 1996, p 297.
• A. Roman, Paramé 1789-1799 in Bulletin de la Société d'histoire et d'archéologie de l'arrondissement de Saint-Malo., 1989, p 105.
• A. Vercoutère, « Histoire de Paramé » in Bulletin de la Société d'histoire et d'archéologie de l'arrondissement de Saint-Malo., 1992, p. 249.
• Numeroj de Paramé mondain : écho des plages de Paramé et Rothéneuf en Gallica, la cifereca biblioteko de Nacia Biblioteko de Francio

Eksteraj ligiloj

• Paramé – Rothéneuf sur TTT-ejo de urbo Saint-Malo Arkivigite je 2013-11-06 per la retarkivo Wayback Machine