Petr Bezruč
| Petr Bezruč | |||||
|---|---|---|---|---|---|
 Petr Bezruč ĉirkaŭ la jaro 1900
| |||||
| Persona informo | |||||
| Petr Bezruč | |||||
| Naskonomo | Vladimír VAŠEK | ||||
| Naskiĝo | 15-an de septembro 1867 en .svg){kind=small} Opava, Supra Silezio, (Ĉeĥa Silezio), Aŭstrio-Hungario
| ||||
| Morto | 17-an de februaro 1958 en  Olomouc, Moravio, Ĉeĥoslovakio
| ||||
| Tombo | Městský hřbitov (en)   vd
| ||||
| Nacieco | ĉeĥo | ||||
| Etno | ĉeĥoj vd | ||||
| Lingvoj | ĉeĥa vd | ||||
| Ŝtataneco | Aŭstrio-Hungario vd
| ||||
| Alma mater | Slava Gimnazio | ||||
Subskribo 
| |||||
| Familio | |||||
| Patro | Antonín Vašek vd
| ||||
| Profesio | |||||
| Alia nomo | Petr Bezruč | ||||
| Okupo | verkisto | ||||
| Laborkampo | Kreiva kaj profesia verkado, poezio kaj Czech poetry (en) vd
| ||||
| Aktiva en | Brno • Kostelec na Hané • Místek • Frýdek • Ostravice vd | ||||
| Verkado | |||||
| Temoj | poemoj | ||||
| Verkoj | Sileziaj kantoj | ||||
| |||||
| |||||
| vd | Fonto: Vikidatumoj | ||||
Petr BEZRUČ [Petr Bezruĉ], propranome Vladimír VAŠEK [VladimIr Vaŝek] (naskiĝis la 15-an de septembro 1867 en Opava, mortis la 17-an de februaro 1958 en Olomouc) estas aŭtoro de unu el la plej grandaj poeziaj verkoj en la ĉeĥa literaturo, Sileziaj Kantoj.
La poeto naskiĝis kiel filo de filologo Antonín Vašek, studis Slavan Gimnazion en Brno, poste filologion en Prago. La studadon li ne finis, revenis al Brno kaj fariĝis poŝtisto.
Siajn poemojn pri silezia popolo li sendadis (1899-1900) al la Praga gazeto Čas (Tempo) sub pseŭdonomo Petr Bezruč. La poemoj vekis sensacion pro sia arta valoro kaj pro mistera aŭtoro, kiu sekretigis sian identecon. Nur post jaroj oni malkaŝis, ke temas pri Vladimír Vašek (tamen ĝis nun aperas duboj, ĉu Vašek ne estis trompulo, kiu alproprigis al si verkojn de alia aŭtoro).
La unuopaj poemoj estis poste kunigitaj en libron kun titolo Sileziaj kantoj. En ili estas priskribitaj socialaj kaj naciaj subpremoj kontraŭ la malriĉa silezia popolo.
Plej populara poemo fariĝis Maryčka Magdon pri junulino, kies gepatroj tragedie mortis, ŝi devis zorgi pri siaj malgrandaj gefratoj kaj estis arestita, ĉar ŝi alportis hejmen iom da ligno el grafa arbaro. Kondukata preter la rivero Ostravice ŝi saltis en la akvon, sed frakasiĝis sur la rokaro. La entuziasma aplaŭdo pri la poemo la aŭtoron indignigis:
Oni recitis la versojn en Prag',
homoj aplaŭde fervoris.
Kial? Ke vivis Maryčka, ke nin
oni en Frydek strangolis?
En Esperanto aperis
[redakti | redakti fonton]- Sileziaj Poemoj, Michálkovice 1927 (12 poemoj de Bezruč en traduko de Vladimír Adamík).
- Sileziaj Kantoj, Prago 1970 (la tuta libro en tradukoj de R. Hromada, T. Pumpr kaj J. Kořínek).
- 70 000, la poemo de Petr Bezruč, en traduko de Tomaŝ Pumpr, muziko de Ĝuljo Kappa, voĉo de Ĝanfranko (Molle) aperas en la sonkasedo La vojo, La Nuova Frontiera 1977, Edistudio 1979 kaj 1986.
Objektoj nomitaj laŭ Petr Bezruč
[redakti | redakti fonton]- Monumento de Petr Bezruč situanta en Opava
- Teatro de Petr Bezruč situanta en Ostrava
- Minejo Petr Bezruč situinta en Ostrava
