Primaso

Ĉi tiu artikolo temas pri eklezia titolo. Por ordo de bestoj rigardu la paĝon Primatoj.

Primaso estas honora eklezia titolo de ĉefepiskopoj de kelkaj landoj, jam ne gvidaj tutlandaj taskoj. Ĝi estas uzata ĉefe en la katolika eklezio, sed ankaŭ kelkaj aliaj.

Romkatolika eklezio[redakti | redakti fonton]

En Hungario, ĉiam ricevas la primasan rangon la ĉefepiskopo de Esztergom, kiu tiel iĝas gvidanto de la hungara katolika eklezio. En Pollando titolo de la primaso de Pollando estas atribuata al ĉefepiskopoj de Gniezno kaj la primaso de Italio al papoj.

Primasoj en unuopaj landoj[redakti | redakti fonton]

Belgio – ĉefepiskopo de Bruselo
Brazilo – (ekde 1980) ĉefepiskopo de Salvador de Bahio
Bulgario (en 13-a jc) – ĉefepiskopo de Veliko Tarnovo
Ĉeĥio – ĉefepiskopo de Prago
Francio:
- Gaŭlio – ĉefepiskopo de Liono
- Normandio – ĉefepiskopo de Rueno
Germanio/Aŭstrio – ĉefepiskopo de Salcburgo
Hispanio – ĉefepiskopo de Toledo
Hungario – ĉefepiskopo de Esztergom
Irlando – ĉefepiskopo de Armagh
Italio – episkopo de Romo (papo)
Pollando – ĉefepiskopo de Gniezno
Portugalio – ĉefepiskopo de Lisbono
Usono – ĉefepiskopo de Baltimore

Primaso de Germanio en la Sankta Romia Imperio estis ĉefepiskopo de Majenco, poste de Salcburgo. Primasoj estis ankaŭ abatoj de gravaj benediktanaj monaĥejoj en Fulda, Monte Cassino, Fleury kaj Romo (monaĥejo de sankta Anselmo).