Provinco Buŝehro

Provinco Buŝehr
	situo de la provinco en Irano
provinco de Irano
Bazaj informoj
Ĉefurbo	Buŝehr
Areo	22 743 km²
Loĝantaro	886 267 (stato de oktobro 2006)
Loĝdenso	39 loĝantoj/km²
ISO-kodo	IR-06
	marbordo de la Persa Golfo en la urbo Buŝehr
	v • d • r

Reviziita versio de ĉi tiu paĝo, aprobita je 27 apr. 2013, estis bazita sur ĉi tiu versio.

La provinco Buŝehr - perse استان بوشهر, arabe محافظة بوشهر - estas unu el tridek provincoj en la nuntempa ŝtato Irano. Ĝia administra centro estas la samnoma urbo Buŝehr. La provinco kovras areon de 22 743 kvadrataj kilometroj kaj laŭ la stato de oktobro 2006 havis 886 267 loĝantojn. Ĝi troviĝas en la sudo de la ŝtato kaj sudokcidente havas vastan bordon al la Persa Golfo.

Administra divido

La provinco konsistas el naŭ distriktoj:

Buŝehr
Daŝtestan ( Borazĝan )
Daŝti ( Ĥormuĝ )
Dajjer
Dejlam
Genaveh
Jam
Kangan
Tangestan ( Ahram )

Loĝantaro

Ĝenerale la loĝantoj de la persa bordo de la golfo, kiuj havas pli malhelan haŭtokoloron ol tiuj de la pli norda altebenaĵo, perse nomatas bandari, "havenuloj". Kiel en la provinco Hormozgan ili plejparte havas araban aŭ nigrulan devenon kaj apartenas al setliĝintaj familiaroj de eksaj nomadaj triboj. Multaj el iliaj tradicioj konserviĝis ĝis la nuntempo. La lokuloj plejparte parolas arabe kaj grandparte apartenas al la sunaisma islamo, parte ankaŭ dediĉas sin al la Zar-kulto devena el orienta Afriko.

Aparte la loĝantoj de la lokaj insuloj ĝis la nuntempo grandparte vestiĝas tradicie. La viroj portas longan veston kaj turbanon, la virinoj vastan pantalonon kaj sur tio kolorajn vestojn, krome ili tradicie portas koloran vizaĝan maskon el kapra ledo kun broditaj ornamaĵoj, kiu nur videbligas la okulojn kaj la buŝon.

Eksteraj ligiloj

greke retejo de la organizo pri la provinca kultura heredaĵo greke retejo de la procinca eduka ministerio (perse)

Koordinatoj: 28° 51' 21" norde, 51° 20' 11" oriente

Provincoj de Irano