Ranganayakulu

El Vikipedio, la libera enciklopedio
Salti al navigilo Salti al serĉilo

Ranganayakulu P. V.Ranganayakulu Potturu (mallonge Ranga) (n. 1958) estas barata kuracisto laŭ la tradicia medicino ajurvedo, historiisto, Esperanto-vortaristo kaj membro de la Akademio de Esperanto (2013-2016).

Profesia vivo[redakti | redakti fonton]

Profesoro Ranga estas la Ĉefa Muzeo-Estro en la S V Museum en Tirumala, Andhra-Pradesho. En antaŭa kariero, ekde 2009 li estis profesoro pri ajurvedo en Tirupatio (ankaŭ en Andhra-Pradesho). Li estis estrarano de la Historia Kongreso de Andhra Pradesho (angla mallongigo APHC) kaj konsilanto de la Medicina Universitato en Andhra-Pradesho. Li doktoriĝis pri la historio de medicino. Li ankaŭ aktivas en la lingva movado en Andhra-Pradeŝo, kiu strebas krei sciencajn fakvortojn en la telugua. Li estas konata verkisto en la telugua.

Esperanta agado[redakti | redakti fonton]

Ranga lernis Esperanton en 1979 kaj tuj organizis lokan klubon por Esperanto en la urbo Vijayawada de Andra-Pradeŝo. Li organizis la Unuan Tutlandan Esperanto-Kongreson en februaro 1982. Tiam fondiĝis la Federacio Esperanto de Barato (FEB) kun la centra oficejo en la Ateista Centro en Vijayawada. Ranga estis la unua sekretario de FEB.

Li krome organizis la 5-an Azian Kongreson de Esperanto en Bengaluro (Barato) en januaro 2008. Ranga estis la sekretario de la Komisiono de Azia Esperanto Movado (KAEM) inter 2008 kaj 2010 kaj kasisto de KAEM de 2010 ĝis 2013. Li verkis anglalingvan lernolibron de Esperanto por barataj lernantoj (Let's Learn Esperanto [1993, 2013]) kaj kompilis kaj eldonis Esperanto-vortaron (Beginner's Compact Dictionary of Esperanto [2013]).

Verkoj[redakti | redakti fonton]

Verkoj en la telugua[redakti | redakti fonton]

  • Paryavaranam Abhivriddhi (ekologio kaj evoluo), verko pri la Rio kunsido.
  • Padavaprayanam (la taglibro de Charles Darwin dum lia 5-jara ĉirkaŭnavigado).
  • Prapanchatatvam Nayakatvam (kun Daggubati; vivo de 50 influhavaj filozofoj kaj politikistoj).
  • Japan, Oka Nagariki Jaitrayatra. (libro pri vojaĝo al kaj en Japanio).
  • Ayurvedam (pri tradicia medicino de Barato).

Verkoj en la angla[redakti | redakti fonton]

  • Let's Learn Esperanto, the international language; lernolibro por baratanoj (Amazon.com)
  • Beginner's Compact Dictionary of Esperanto (Amazon.com).
  • Ayurveda in South India (akirebla en Kinige.com).
  • Ayurveda Medical Dictionary (Amazon.com).

Verkoj en Esperanto[redakti | redakti fonton]

  • Ajurvedo, la tradicia medicino de Barato (akireble en Amazon.com).

Krome pli ol 100 artikoloj en diversaj ĵurnaloj kaj magazinoj pri historio de medicino, ekologio, historio kaj psikologio.

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.