Reinhold Messner

Reinhold Messner
Persona informo
Naskonomo	Reinhold Andreas Messner
Naskiĝo	17-an de septembro 1944 (1944-09-17) (81-jaraĝa) en Brixen, Operational Zone of the Alpine Foothills,  Itala Sociala Respubliko
Lingvoj	itala • germana
Ŝtataneco	Italio
Subskribo
Familio
Patro	Josef Messner (en)
Patrino	Maria Messner (en)
Frat(in)oj	Günther Messner (mul) , Hubert Messner (en) , Helmut Messner (en) , Siegfried Messner (en) , Erich Messner (en) , Waltraud Kastlunger (en) , Hansjörg Messner (en) kaj Werner Messner (en)
Edz(in)o	Diane Schumacher (mul) (2021–) Sabine Stehle (en) (2009–2019) Uschi Demeter (en) (1972–1977)
Amkunulo	Nena Holguin (en) (–dekjaro de 1980) Sabine Stehle (en) (dekjaro de 1980–2009)
Infanoj	Magdalena Messner (en)  ( Sabine Stehle (en) ) Anna Juditha Messner (en)  ( Sabine Stehle (en) ) Simon Messner (en)  ( Sabine Stehle (en) ) Làyla Messner (en)  ( Nena Holguin (en) )
Okupo
Okupo	esploristo filmreĝisoro verkisto de nefikcio sportisto montgrimpanto politikisto verkisto ĉefkameraisto
TTT
Retejo	https://reinhold-messner.de/

Reinhold Messner en 2012

Reinhold Andreas MESSNER (naskiĝis la 4-an de januaro 1944 en Brixen-Bressanone, Italio) estas montgrimpisto, esploristo kaj verkisto el Sudtirolo (Italio). Interalie li estas la unua homo, kiu grimpis la 14 montoj pli altaj ol 8000 m, sen enboteligita oksigeno.

En 1970 Messner partoprenis al germana ekspedicio kiu intencis grimpi la 8125 metrojn altan Nanga Parbat (Pakistano). Kune kun lia frato Günther li sukcesis atingi la pinton laŭ la flanko "Rupal", kiu kun 4500 metroj estas la plej granda monda vertikala muro. En malfeliĉa kaj danĝera descendo sur la alia flanko de la monto ("Diamir") lia frato mortis sub glaĉer-lavango. Tiu incidento kiu ŝokis la montgrimpistan mondon.

En 1978, Messner kaj la aŭstra Peter Habeler estis la unuaj, kiuj grimpis Evereston sen enboteligita oksigeno. En 1980 Messner ripetis sole la supreniron, iĝante la unua homo kiu atingis tiun celon.

1989/1990 li transiris piede Antarkton sen ekstera helpo. Elstaras ankaŭ lia rolo kiel verkisto kaj preleganto . Inter 1999 kaj 2004 li estis membro de la Eŭropa Parlamento por la Itala Federacio de la Verduloj. Nuntempe li estas tre okupata en diversaj entreprenoj rilataj al montgrimpado. Interalie li kondukas la kvar muzeojn de Messner Mountain Museum (Messner Monta Muzeo).

Grimpadoj de Messner de la montoj pli altaj ol 8000 m post 1970

Reinhold Messner estis la unua homo kiu grimpis sur ĉiuj pintoj super 8000 m sen enboteligita oksigeno. Ek de 1970 li faris la sekvajn grimpadojn sur pintoj super 8000 m:

Pozicio de la pintoj super 8000 m

jaro	monto (altitudo en metroj)
1970	Nanga Parbat (8125)
1972	Manaslu (8163)
1975	Hidden Peak (Gaŝerbrum 1) (8080)
1978	Mount Everest (8848), Nanga Parbat (8125)
1979	K2 (8611)
1980	Mount Everest (8848)
1981	Shishapangma (8027)
1982	Kangchenjunga (8586), Gaŝerbrum 2 (8034), Broad Peak (8051)
1983	Ĉo Oju (8188)
1984	Hidden Peak (Gaŝerbrum 1) (8080), Gaŝerbrum 2 (8034)
1985	Annapurna (8091), Dhaulagiri (8167)
1986	Makalu (8485), Lhotse (8516)