Robert Phillipson

Robert PHILLIPSON (naskita la 16-an de marto 1942 en Anglio) estas brita lingvisto loĝanta en Danio. Li estis estro de la departemento pri lingvoj kaj kulturoj en la universitato de Roskilde poste fariĝis esploranta profesoro de la departemento pri la angla lingvo de Kopenhaga Komerca Altlernejo^{[rompita ligilo]} (en Kopenhago).

Li esploras kaj publikigas pri interlingvistikaj kaj anglistikaj temoj: lingvopolitiko kaj precipe lingva imperiismo, pri la rolo de la angla lingvo en la mondo kaj pri lingvoinstruado.

Je la Internacia Tago de la Gepatra Lingvo 2010 (la 21an de februaro), la Instituto Linguapax anoncis, ke Phillipson gajnis la Linguapax-Premion kune kun Miquel Siguan i Soler.^[1]

Phillipson havas tri gefilojn (Caspar, Thomas, Louise). Li estas edzo de Tove Skutnabb-Kangas.

Esperanto[redakti | redakti fonton]

En sia libro "Ĉu nur-angla Eŭropo?" li dediĉas kvar paĝojn al Esperanto; laŭ li Esperanto proponas funkcikapablan alternativon al la fuŝ-uzata angla.

En 2006 la tutlanda franca gazeto "Le Figaro" publikigis intervjuon kun li pri Esperanto kaj la sorto de la eŭropa multlingveco.

Linguistic imperialism, Oxford University Press, 1992
Skutnabb-Kangas, T., & Phillipson, R. (eld.). (1994). Linguistic human rights: Overcoming linguistic discrimination. Mouton de Gruyter.
(eld.) Rights to language: Equity, power and education. Lawrence Erlbaum Associates, 2000
English-Only Europe? - Challenging Language Policy.
Unua eldono 2003 Routledge, London / New York,
esperantlingve "Ĉu nur-angla Eŭropo?- Defio al lingva politiko"
en traduko de István Ertl (Rotterdam : UEA, 2004),
francalingve "La domination de l'anglais, un défi pour l'Europe" (Paris : Libre & Solidaire, 2019)
Linguistic imperialism continued. Orient Blackswan, 2009
Skutnabb-Kangas, T., & Phillipson, R. (Eds.). (2017). Language rights. Routledge.
Skutnabb-Kangas, T., & Phillipson, R. (Eds.). (2023). The handbook of linguistic human rights. John Wiley & Sons.