Ruĝvizaĝa malkohao
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Phaenicophaeus pyrrhocephalus (Pennant, 1769) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Ruĝvizaĝa malkohao, Phaenicophaeus pyrrhocephalus, estas specio de la kukoledoj, familio de la ordo de birdoj, nome Cuculiformes, kiuj inkludas ankaŭ la vojkurulojn, la aniojn, la centropojn kaj la hoacinon.
Disvastigo[redakti | redakti fonton]
Ĝi estas endemisma de Srilanko kaj pli precize de la sudokcidenta parto de la insulo, sed for de la marbordo. La Ruĝvizaĝa malkohao estas birdo de densaj arbaroj; tie la specio estas malfacile videbla spite sian grandon kaj koloron.
Kutimaron[redakti | redakti fonton]
Malkiel aliaj kukoloj, tiu ĉi ne estas nestoparazitoj. La neston ili faras en arbo, la tipa ovodemetado estas de 2-3 ovoj.
La Ruĝvizaĝa malkohao manĝas varion de insektoj inkludante raŭpojn, gigantajn fostinsektojn kaj etajn vertebrulojn kiel lacertoj. Ili eventuale manĝas berojn.
Malkiel plej parto de kukoloj, tiu ĉi estas silentema specio, kiu faras nur mildan murmuron.
Aspekto[redakti | redakti fonton]
Tiu estas granda specio de 46 cm. La dorso estas malhelverda, kaj la supra vosto estas verda bordita de blanko. La ventro kaj suba vosto estas blankaj, la lasta striita de nigro. La krono kaj gorĝo estas nigraj kaj la suba vizaĝo estas blankaj. Sed la plej rimarkinda eco estas du grandegaj ruĝegaj makuloj ĉirkaŭ la okuloj, sed ĝis la beko kaj preskaŭ ĝis la nuko kaj preskaŭ ĝis la krono, kiu restas kiel nura strio, tio estas, kovras preskaŭ la tutan vizaĝon (de tie la specifa nomo) kvazaŭ du pecoj de tolaĵo. La beko estas verdeca, kun grandega supra makzelo kaj maldika suba makzelo; ĝi imponas kiel fortika armilo. Ambaŭ seksoj estas similaj, sed junuloj estas multe pli senkoloraj.
Referencoj[redakti | redakti fonton]
- BirdLife International (2004). Phaenicophaeus pyrrhocephalus. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11 Majo 2006. Vundebla
- Birds of India de Grimmett, Inskipp kaj Inskipp, ISBN 0-691-04910-6
Eksteraj ligiloj[redakti | redakti fonton]
- Fotoj en la Datumbazo de la Klubo de Orientaj Birdoj Arkivigite je 2007-09-28 per la retarkivo Wayback Machine
- Kelkaj observaĵoj pri la dieto de la Ruĝvizaĝa malkohao Phaenicophaeus pyrrhocephalus en Sri-Lanko – Amila Salgado
Antaŭe publikita en Forktail 22 (Aŭgusto 2006) Journal of Asian Ornithology of Klubo de Orientaj Birdoj