Schönholzerswilen

El Vikipedio, la libera enciklopedio
Salti al navigilo Salti al serĉilo
Schönholzerswilen
Blazono de
Vilaĝocentro de Schönholzerswilen
Vilaĝocentro de Schönholzerswilen
Kantono Turgovio
Distrikto Weinfelden
Koordinatoj  47°31′0″N 9°8′0″O  /  47.51667°N, 9.13333°O / 47.51667; 9.13333 (Schönholzerswilen)Koordinatoj: 47°31′0″N 9°8′0″O  /  47.51667°N, 9.13333°O / 47.51667; 9.13333 (Schönholzerswilen)
Nombro de enloĝantoj 751
Areo 10,9 km²
Alteco 555 m super marnivelo
Poŝtkodo 8577
Komunumkodo 4756
Mapo de Schönholzerswilen
Mapo de Schönzlzerswilen
Information icon.svg
vdr

Schönholzerswilen estas komunumo de la distrikto Weinfelden (ĝis la 31-a de decembro 2010 de la distrikto Münchwilen) en Kantono Turgovio, Svislando. Ĝi havis 751 loĝantojn je la 31-a de decembro 2007.

Geografio[redakti | redakti fonton]

La komunumo Schönholzerswilen situas ĉe la norda deklivo de la monteto Nollen super la Turvalo kaj ofertas belan panoramon al la Seerücken en nordo kaj al Säntis en oriento. Sude de la vilaĝo fontas la rivero Furtbach, kiu fluas nordokcidenten por alflui la riveron Turo en Bussnang. La komunumo konsistas el la vilaĝeoj Schönholzerswilen kaj Toos kaj multnombraj vilaĝetoj Befang, Hagenwil, Hasle, Heiligkreuz, Leutenegg, Looche, Metzgersbuwil, Nollenberg, Ritzisbuwil, Waablingen kaj Widehueb, kaj tuta nombro de izolitaj bienoj kaj domgrupoj. Schönholzwilen situas en la centro de la kvarangulo Bischofszell, Wil, Frauenfeld kaj Weinfelden.[1]

La teritorio de la komunumo etendiĝas sur areo de 10,94 km², de kiuj 23,2% estas kovritaj de arbaro, 51,4% servas por agrikulturo kaj 22,1% por setlado. [2]

Najbaraj komunumoj[redakti | redakti fonton]

Schönholzerswilen limas en okcidento al Braunau, en sudo al Wuppenau en oriento al Kradolf-Schönenberg, en nordo al Bussnang, kaj en nordokcidento al Bürglen.

Trafiko[redakti | redakti fonton]

Schönholzerswilen facile atingeblas per poŝtaŭto, publika taksio kaj noktobuso ek de Wil SG kaj Weinfelden.

Ekonomiaj kaj statistikaj faktoj[redakti | redakti fonton]

De la 751 loĝantoj 2,6% estas eksterlandanoj (kio estas kompare kun averaĝa svisa proporcio de pli al 20% tre malalta cifero). Ekzistas en la komunumo porksimume 30 sendependaj neagrikulturaj entreprenoj kaj 55 sendependaj kamparanentreprenoj. 35 personoj laboras en Schönholzerswilen, kiuj ne loĝas en la komunumo, dum 215 loĝantoj de la komunumo laboras aliloke, precipe en la proksimaj urboj Wil kaj Weinfelden. La elcentaĵoj de senlaboruloj estas 0,5%. [3]

Lernejoj[redakti | redakti fonton]

Schönholzerswilen disponas pri propraj infanĝardeno, bazlernejo kaj sekundarlernejo. La politika komunumo Schönholzerswilen formas kune kun siaj najbaraj komunumoj la Popollernejkomunumon Nollen (germane Volksschulgemeinde Nollen) .

Historio[redakti | redakti fonton]

La unua dokumenta mencio de Schönholzerswilen datiĝas supozeble el la jaro 857 kiel Wichrammeswilare. La hodiaŭa politika komunumo Schönholzerswilen estiĝis la 1-an de januaro 1964 per la kunigo de la ĝis tiam sendependaj lokkomunumoj Schönholzerswilen kaj Toos.[4]

Notoj kaj referencoj[redakti | redakti fonton]

Eksteraj ligiloj[redakti | redakti fonton]

Bildoj[redakti | redakti fonton]