Societo Gardoturo

El Vikipedio, la libera enciklopedio
Salti al navigilo Salti al serĉilo
Watchtower Bible and Tract Society.

La Watch Tower Bible and Tract Society of Pennsylvania (pli mallonge Watch Tower Society, en Esperanto Societo Gardoturo) estas sen profitcela korporacio kun sidejo en la urbo Nov-Jorko, Usono. Ĝi estas la ĉefa jura organismo uzata de la Atestantoj de Jehovo. Ĉi tiu korporacio eldonas literaturon kaj organizas konvenciojn kaj lernejojn por la agado de la atestantoj de Jehovo. La atestantoj de Jehovo havas aliajn korporaciojn ekvivalentajn en pluraj landoj, kiel la International Bible Students Association de Londono, Britio inter multaj aliaj, sed ĉar tiuj estas landaj filioj, ili ĉiuj laboras en plena kunlaborado kun la Societo Gardoturo de Pensilvanio. Ĉi tiuj societoj distribuas pli ol 2.000 milionoj da bibliaj publikigaĵoj jare.[1]. Inter ili la plej oftaj kaj konataj tutmonde estas La Gardoturo kaj Vekiĝu!.

Vidu ankaŭ[redakti | redakti fonton]

Referencoj[redakti | redakti fonton]

  1. La Atestantoj de Jehovo. Organizitaj por prediki la bonajn novaĵojn. (DVD)