Grand-basenaj montarbaroj

Situo de la ekoregiono.

La grand-basenaj montarbaroj estas tersupraĵa ekoregiono el la okcident-nordamerika ekoprovinco de la nearkta ekozono laŭ la tipologio de la Monda Natur-Fonduso ( WWF ). Biome la ekoregiono apartenas al mezvarmaj koniferarbaroj de la regiono de Granda Baseno en Nevado, orienta Kalifornio kaj okcidenta Utaho.

Priskribo

La vegetaĵaro ekde la valaj profundaĵoj al montaraj pintoj inkludas arbustaran stepon, maldensarbarojn, pinarojn, juniperarojn, menzies-pseŭdocugarojn kaj sub-altmontaraj komunumojn. La maldensarbaroj konstituas la transiron de la pli humidaj koniferaj arbaroj de pli alta altitudo kaj la pli sekaj herbejoj kaj dezertoj de la baseno. Ili emas esti pli malfermaj ol arbaroj kaj entenas pli etajn arbojn. La superregantaj maldensarbaraj arboj estas sekeco-rezistemaj pinoj kaj juniperoj de meksika origino dum la arbaraj koniferoj ĉefe estas malvarmo-rezistemaj specioj el borealaj regionoj.

Flaŭro

Kvar ĉefaj maldensarbaraj kaj arbaraj tipoj estis identigitaj en tiu region, inkluzive de kolorad-abia arbaro ( Abies concolor ), sub-altmontara maldensarbaro, fleks-pina maldensarbaro ( Pinus flexilis ), kaj grandaĝ-pina maldensarbaro ( Pinus longaeva ).

Vidu ankaŭ

• Ekologia klasifiko de la tersupraĵoj
• Konservada stato de ekoregiono

Eksteraj ligiloj

• angle Ekoregiono NA0515 : Grand-basenaj montarbaroj (WWF )
• angle Situo de la ekoregiono : Tajpu : Great Basin montane forests