Princepiskoplando

Princepiskoplando aŭ princepiskopujo estas lando regata de princepiskopo, do, la teritorio kie li havas ŝtatan povon, kaj kiu ne necese koincidis kun la teritoria diocezo (episkopujo), sur kiu li plenumis sian religian aŭtoritaton. Princepiskoplandoj ekzistis plejgrandaparte en la Sankta Romia Imperio.

Por pliaj detaloj, vidu al artikolon: Princepiskopo

Princepiskoplandoj en la Sankta Romia Imperio

Johann Otto von Gemmingen, princepiskopo de Augsburg

Je antaŭtempo de la sekularigo de 1806, la Sankta Romia Imperio nombris la sekvajn princepiskoplandojn.

Elektoepiskopujoj

Elektoepiskopujo = germane Kurerzstift: Samtempe elektoprinclando kaj princĉefepiskopujo.

• Elektoepiskopujo Majenco
• Elektoepiskopujo Kolonjo
• Elektoepiskopujo Treviro

Princĉefepiskopujoj

Princĉefepiskopujo = germane Fürsterzbistum, Erzstift

• Princĉefepiskopujo Salcburgo
• Princĉefepiskopujo Olomouc

Princepiskopujoj

Princepiskopujo = germane Fürstbistum, Hochstift

• Princepiskopujo Augsburg
• Princepiskopujo Bamberg
• Princepiskopujo Bazelo
• Princepiskopujo Vroclavo, Breslau
• Princepiskopujo Brixen
• Princepiskopujo Koiro, Chur
• Princepiskopujo Corvey
• Princepiskopujo Eichstätt
• Princepiskopujo Feltre
• Princepiskopujo Freising
• Princepiskopujo Fulda
• Princepiskopujo Hildesheim
• Princepiskopujo Konstanco
• Princepiskopujo Lubeko, Lübeck, luterana
• Princepiskopujo Lieĝo
• Princepiskopujo Monastero, Münster
• Princepiskopujo Osnabrück, alterna luterana kaj katolika
• Princepiskopujo Paderborn
• Princepiskopujo Passau
• Princepiskopujo Regensburg
• Princepiskopujo Spiro, Speyer
• Princepiskopujo Strasburgo
• Princepiskopujo Trento
• Princepiskopujo Worms
• Princepiskopujo Würzburg

Ĉiuj princepiskopujoj en la ĉi-supra listo escepte de Lübeck kaj Osnabrück estis katolikaj.

Finiĝis antaŭ 1806

Pluraj aliaj princ(ĉef)episkopujoj jam pli frue estis sekularigitaj kaj ĉesis ekzisti en sia antaŭa formo, inter ili:

• Princĉefepiskopujo Bremen kaj Princepiskopujo Verden en 1648, iĝis Duklandoj Bremen kaj Verden
• La princepiskopujoj de Metz, Toul kaj Verduno estis konkeritaj de reĝlando Francio en 1631/32, kaj en 1648 per la Vestfalia Paco oficiale forlasis la Sanktan Romian Imperion kaj fariĝis franca provinco Tri-Episkoplandoj
• La princepiskopujo de Meißen, germane Hochstift Meißen, luteraniĝis 1581 en la Reformacio. Ĝi ne ĉesis ekzisti, sed ekzistas eĉ hodiaŭ, kiel jura persono ligita al la Luterana Eklezio de Saksio.

Vidu ankaŭ

• Episkoplando
• Princlando
• Grandprinclando