Josephine Baker

Josephine Baker
Persona informo
Naskonomo	Freda Josephine McDonald
Naskiĝo	3-an de junio 1906 (1906-06-03) en Sankta Luiso, Misurio,  Usono
Morto	12-an de aprilo 1975 (1975-04-12) (68-jaraĝa) en Parizo,  Francio
Mortokialo	cerba sangado
Tombo	tombejo de Monako
Lingvoj	franca • angla
Loĝloko	Parizo • Nov-Jorko • Sankta Luiso • Château des Milandes • Le Vésinet • Roquebrune-Cap-Martin
Ŝtataneco	Usono • Francio
Subskribo
Familio
Edz(in)o	Jo Bouillon
Infano	Akio Bouillon
Okupo
Okupo	kantisto • vedette • filmaktoro • surstrata artisto • dancisto • ĵazmuzikisto • modelo • aktoro • oficiro • intelligence officer • verkisto • aktivisto de civilaj rajtoj
Verkoj	Les mémoires de Joséphine Baker
TTT
Retejo	http://www.cmgww.com/stars/baker/

Josephine Baker

Josephine BAKER, origine: Freda Josephine MCDONALD (naskiĝis la 3-an de junio, 1906, mortis la 12-an de aprilo, 1975) estis usona kantistino, aktorino kaj dancistino malhelhaŭta.

Naskiĝinte en Sankta-Luizo, Misurio, ŝi pasigis sian junaĝon en malriĉeco. Poste ŝi mem diris, ke ŝi "komencis danci por ne frosti". Kiel 13-jarulino ŝi unuafoje edziniĝis. La edzeco fiaskis, kaj du jarojn poste ŝi edziniĝis duan fojon, sed post plia jaro nur unu afero restis de tiu ĉi edzeco: la nomo BAKER.

Unuajn sukcesojn kiel dancistino ŝi spertis en Novjorko, sed tie ŝi ankaŭ spertis rasismajn antaŭjuĝojn, kaj fine ŝi decidis elprovi sin en Eŭropo. La 2-an de oktobro, 1925 ŝi komencis grandan karieron en la Pariza Théâtre Champs Elysées. Pro sia erotika danco, dum kiu ŝi prezentis sin vestite nur per banana jupo, ŝi rapide famiĝis. Post sukcesoplena turneo tra Eŭropo ŝi revenis al Francio kaj fariĝis stelulino de la "Folies Bergères". Ŝia privata vivo tamen ne ĉiam estis feliĉa: Ĉiu el ŝiaj entute ses edzecoj fiaskis.

Kvankam ŝi vivis en Francio, ŝi en la 1950-aj jaroj subtenis la usonan movadon por civilaj rajtoj. Ŝi per nekutima maniero protestis kontraŭ rasismo, adoptante 12 infanojn de diversaj nacioj kaj haŭtkoloroj. Kun sia "pluvarka familio" ŝi vivis en franca kastelo, ofte kun financaj malfacilaĵoj.

La 8-an de aprilo 1975 Josephine Baker festis sian 50-jaran laborjubileon per pompa prezentado. Malmultajn tagojn poste ŝi mortis de kor-atako. La entombigo kaŭzis grandan atenton en Francio: Eĉ la ŝtatestro Valéry Giscard d'Estaing esprimis sian funebron.

Bildoj

• 
  Charleston, 1926
• 
  La Revue des Revues en 1927 (Foto de Walery)
• 
  En del 1927, en Parizo, Folies Bergère
• 
  En la unua topless
• 
  En Oran, 1943
• 
  En 1949
• 
  En filmo Havana, Cuba, 1950

Eksteraj ligiloj

• Fotoserio pri Josephine Baker