Stettfurt

El Vikipedio, la libera enciklopedio
Salti al navigilo Salti al serĉilo
Stettfurt
Blazono de Stettfurt
Kantono Turgovio
Distrikto Frauenfeld
Koordinatoj  47°31′35″N 8°57′20″O  /  47.52639°N, 8.95556°O / 47.52639; 8.95556 (Stettfurt)Koordinatoj: 47°31′35″N 8°57′20″O  /  47.52639°N, 8.95556°O / 47.52639; 8.95556 (Stettfurt)
Nombro de enloĝantoj 1106
Areo 6,4 km²
Alteco 475 m super marnivelo
Poŝtkodo 9507
Komunumkodo 4606
Mapo de Stettfurt
Information icon.svg
vdr

Pri la komunumo[redakti | redakti fonton]

Stettfurt estas komunumo en la distrikto Frauenfeld de Kantono Turgovio, Svislando. Ĝi havis 1098 loĝantojn je la 31-a de decembro 2007, kiu nombro modeste kreskis al 1106 ĝis la 31-a de decembro 2009.

Geografio[redakti | redakti fonton]

Stettfurt situas ĉe la suda deklivo de la monteto Immenberg ĉe la norda bordo de la rivereto Lauche kiu alfluas en Matzingen al la rivero Murg. La plej alta punkto de la komunumo situas je 705 m s.m. sur Immenberg, la plej malalta punkto je 450 m s.m. ĉe la bordo de la rivero Murg. La komunumo konsistas el la municipoj kaj setlejoj Stettfurt, Vorstatt, Brüel, Hummerberg kaj Köll (alamane Chöll). Sur monteto okcidente de la komunumo situas je alteco de 649 m s.m. la Kastelo Sonnenberg.

Najbaraj komunumoj[redakti | redakti fonton]

Stettfurt limas en nordo al Thundorf, en oriento al Lommis, en sudo al Wängi, kaj en okcidento al Matzingen.

Trafiko[redakti | redakti fonton]

Stettfurt atingeblas per poŝtaŭto ek de Frauenfeld kaj Thundorf.

Historio[redakti | redakti fonton]

La unua dokumenta mencio de Stettfurt datiĝas el la jaro 827 kiel Stetivurt. La nomo aperis en dokumento per kiu la riĉa alemano Immo donacis parton de siaj havaĵoj kune kun la servutoj al la Monaĥejo Sankt-Galo. Dum la Malnova Zurika Milito la stettfurtanoj luktis je la flanko de la Monaĥejo Sankt-Galo, kio kaŭzis, ke la apencelanoj bruligis la Kastelon Sonnenberg. Denove la kastelo estis bruligita dum la Ŝvaba Milito, kiam stetfurta nobela familio subtenis la ŝvabojn. Post la Ŝvaba Milito ĝis la Helveta Revolucio Stettfurt kun la cetera Turgovio estis kolonio de la Svisa Ĵurkomunumo.

Eksteraj ligiloj[redakti | redakti fonton]

  • Kunlaboru en Commons Komunejo proponas multimediajn dosierojn al temo sub la gloso Stettfurt