Terapia rajdado

Terapia rajdado en alternativa medicino inkluzivas pedagogiajn, psikologiajn, psikoterapiajn, rehabilitajn kaj soci-integrigajn rimedojn, kiuj estas efektivigitaj per kontaktigo de cela homo kun ĉevalo en ĉeesto de profesia terapiisto. La celgrupo estas infanoj, junuloj aŭ plenkreskuloj kun fizikaj, psikaj kaj sociaj evoluaj perturboj aŭ malkapabloj. La fokuso estas sur terapio kaj subteno; rajdkapabloj, aliflanke, ne estas en la fokuso de instruado.

La temo inkluzivas ankaŭ aliajn bestojn kiuj estas malofte uzataj hodiaŭ, kiel azenoj, muloj, lamoj (por aparte junaj, malpezaj pacientoj) kaj kameloj.

Atentu ke terapio nomata ĉevalterapio estas nur subkategorio de terapia rajdado: ĝi celas la fizioterapion retrejni moviĝojn de neŭrologie afektitajn pacientojn, kiuj ekzemple suferis je paralizoj, paraplegio, spasmoj, ataksio aŭ ekvilibraj perturboj.