Tomáš Břicháček

El Vikipedio, la libera enciklopedio
Saltu al: navigado, serĉo
Tomáš Břicháček
Personaj informoj
Naskiĝo 18-an de junio 1982 (1982-06-18) (35-jara)
en Prago
Loĝloko Prago
Ŝtataneco Ĉeĥio
Profesio esperantisto, politikisto, entreprenisto, juristo, publikigisto
Lingvoj Esperanto, ĉeĥa lingvo
v  d  r
Information icon.svg
Tomáš Břicháček

Tomáš BŘICHÁČEK (naskiĝis la 18-an de junio 1982 en Prago) estas ĉeĥa esperantisto, ekde februaro 2014 prezidanto de Esperantista klubo en Prago kaj redaktoro de ĝia revuo Bulteno.

Kun Dagmar Chvátalová kaj Marek Blahuš li en 2005 refondis la Ĉeĥan Esperanto-Junularon kaj ekde tiam li estis prezidanto de ties revizia komisiono ĝis 2012. En tiu tempo li ankaŭ gvidis la Pragan klubon de ĈEJ, kies retpaĝaron li prizorgas.

Li elprovis novan metodon de poresperanta varbado, kiun li nomas "Esperanto ĉe biero" - kursoj en trinkejo. La metodon li elprovis ankaŭ en Parizo, kie li studis dum kelkaj monatoj inter 2005 kaj 2006.

Li prilaboris ankaŭ retejojn de blindula gazeto Aŭroro, de Esperanto-muzeo en Česká Třebová (Biblioteko de Česká Třebová) kaj de la Biblioteko de ĈEA.

Praga filio de gazeto Metro publikigis intervjuon kun Tomáš Břicháček pri Esperanto: Intervjuo en Metro.

Tomáš Břicháček vivas en Prago, estas edziĝinta kaj havas du infanojn.