Universala dekuma klasifiko
| Universala dekuma klasifiko | ||
|---|---|---|
| ||
| universala klasifiksistemo dekuma klasifiko faceta klasifiko 
| ||
Universala dekuma klasifiko (UDK) estas internacia universala sistemo por hierarkie klasifiki ĉiujn specojn de dokumentoj, kiuj rilatas la homan sciadon, per dekumaj indeksoj. Paul Otlet kaj Nobel-premiito Henri La Fontaine adaptis ĝin el la Dekuma klasifiko de Melvil Dewey. La UDK unue eldoniĝis (france) inter 1904 kaj 1907. Poste, ĝi estis multe reviziita kaj evoluigita. Ĝia strukturo ebligas facile enordigi novajn evoluaĵojn kaj novajn kampojn de scio. La ciferoj estas sendependaj de difinita lingvo aŭ skribado. Ĝi konsistas el numeraloj kaj komunaj signoj. La UDK estas tutmonda kaj estas eldonita tute aŭ parte en 23 lingvoj.
En 2013 resumo de UDK estis esperantigita[1].
Strukturo
[redakti | redakti fonton]- 0 Ĝeneralaĵoj
- 1 Filozofio
- 2 Religioj
- 3 Sociologio
- 4 (nun libera)
- 5 Matematiko. Natursciencoj.
- 6 Aplikataj sciencoj. Medicino. Tekniko.
- 7 Arto. Aplikata arto. Arĥitekturo. Fotografio. Muziko. Amuzo. Sportoj.
- 8 Lingvistiko. Filologio. Literaturo.
- 9 Geografio. Biografioj. Historio.
Ĉiu klaso per aliaj ciferoj dividiĝas je subklasoj:
- 8 Lingvistiko. Filologio. Literaturo.
- 80 Lingvistiko. Filologio
- 800.89 Artefaritaj lingvoj.
- 800.892 Esperanto.
- 669.245=089 Literaturo pri alojoj de nikelo en Esperanto
La detalan supervidon pri la numerado UDK eldonas la internacia organizo FID.
Vidu ankaŭ
[redakti | redakti fonton]Referenco
[redakti | redakti fonton]- ↑ Cindy McKee (2013-12-22) Enreta Universala Dekuma Klasifiko (esperante). Libera Folio. Arkivita el la originalo je 2013-12-29. Alirita 2013-12-29 .
Bibliografio
[redakti | redakti fonton]- Uniwersalna klasyfikacja dziesiętna. UDC-P022, Wydanie skrócone dla bieżącej bibliografii narodowej i bibliotek publicznych, Biblioteka Narodowa, Warszawa 1997, s. 420, ISBN 83-7009-227-6