Waldenburg (distrikto)

El Vikipedio, la libera enciklopedio
Saltu al: navigado, serĉo
Distrikto Waldenburg
Blazono de Waldenburg
La urbeto Waldenburg
Mapo de la distrikto Waldenburg
Kantono Bazelo Kampara
Ĉefloko Waldenburg
Koordinatoj  47°23′N 7°45′O  /  47.383°N, 7.75°O / 47.383; 7.75 (Waldenburg (distrikto))Koordinatoj: 47°23′N 7°45′O  /  47.383°N, 7.75°O / 47.383; 7.75 (Waldenburg (distrikto))
Nombro de enloĝantoj 15589 (2008-12-31)
Areo 104,93 km²
Loĝantardenseco 148,57 loĝantoj/km²
Federacia Kodo 1305

La distrikto Waldenburg estas administra unuo de Kantono Bazelo Kampara. La distrikto havis 15589 loĝantojn je la 31-a de decembro 2008.

Geografio[redakti | redakti fonton]

La distrikto Waldenburg etendiĝas en la Ĵurasa Montaro en la supera Frenkenvalo, kiu ankaŭ nomiĝas Waldenburg-valo. Ĝi estas la plej kampara distrikto de la kantono kaj en kompleta kontrasto al la urbeca distrikto Arlesheim. La distrikto estas kun nur 15589 loĝantoj unuflanke la plej malgranda distrikto laŭ loĝantaro, ĝi tamen kun 104,93 km² estas la plej granda laŭ areo. El tio sekvas, ke la distrikto Waldenburg kun granda distanco estas la plej maldense logaxata distrikto de Kantono Bazelo Kampara.

Najbaraj distriktoj[redakti | redakti fonton]

La distrikto Waldenburg limas en sudo al la distriktoj Olten kaj Gäu (ambaŭ en Kantono Soloturno), en sudoriento al la distrikto Thal (Kantono Soloturno), en oriento al la distriktoj Thierstein kaj Dorneck (ambaŭ en Kantono Soloturno), en nordo al la distrikto Liestal kaj en nordoriento al la distrikto Sissach.

Trafiko[redakti | redakti fonton]

Tra la Waldenburgvalo de Liestal ĝis Waldenburg BL kondukas la mallarĝŝpura Waldenburg-Fervojo. La ceteraj lokoj atingeblas per lokaj busoj kaj poŝtaŭtolinioj. En la sudo la Supera Hauensteinpasejo ligas la distrikton kun la najbara Kantono Soloturno.

Historio[redakti | redakti fonton]

Jam la romianoj setlis en la Waldenburg-valo kaj konstruis diversajn fortikaĵojn por regi la pasejvojon tra la Supera Hauensteinpasejo.

La regiono en mezepoko apartenis al alzacaj monaĥoj kaj fariĝis en la 14-a jarcento bazela posedaĵo.

En la jaro 1832 la civitanoj de Waldenburg partoprenis en la lukto kontraŭ la urbo Bazelo por la Bazela Kantondisiĝo kaj en 1833 Waldenburg fariĝis, post la disiĝo de la malnova Kantono Bazelo, distrikto de la nova Kantono Bazelo Kampara.

Komunumoj en la distrikto Waldenburg[redakti | redakti fonton]

La distrikto Waldenburg konsistas el 15 komunumoj (stato komence de 2009). Oberdorf, la plej granda el ili, havis 2280 loĝantojn fine de 2008, do escepte de la urbeto Waldenburg, kies urborajto estas nur historia, en la tuta distrikto ne estas urboj. Jen la listo de la komunumoj:

Blazono Nomo Loĝantoj
(2008-12-31)
Areo
en km²
Komunumkodo
Arboldswil Arboldswil 523 3.48 2881
Bennwil Bennwil 613 6.51 2882
Bretzwil Bretzwil 786 7.33 2883
Diegten Diegten 1569 9.64 2884
Eptingen Eptingen 520 11.19 2885
Hölstein Hölstein 2333 6.02 2886
Lampenberg Lampenberg 501 4.00 2887
Langenbruck Langenbruck 988 15.69 2888
Lauwil Lauwil 339 7.27 2889
Liedertswil Liedertswil 154 1.94 2890
Niederdorf Niederdorf 1796 4.41 2891
Oberdorf Oberdorf 2280 6.19 2892
Reigoldswil Reigoldswil 1519 9.25 2893
Titterten Titterten 422 3.71 2894
Waldenburg Waldenburg 1246 8.30 2895
Totale (15) 15'589 104.93 1305

Eksteraj ligiloj[redakti | redakti fonton]