Ĉina ĝardeno Mannheim
| Ĉina ĝardeno Mannheim | |||
|---|---|---|---|
| ĉina ĝardeno, parko [+] | |||
| Lando | Germanio | ||
| Federacia lando | Baden-Virtembergo | ||
| Situo | Mannheim | ||
| - koordinatoj | 49° 29′ 3″ N, 8° 30′ 1″ O (mapo)49.48438.50028Koordinatoj: 49° 29′ 3″ N, 8° 30′ 1″ O (mapo) [+] | ||
|
|||
 |
|||
| Ĉina ĝardeno Mannheim | |||
 Vikimedia Komunejo: Duojingyuan [+] |
|||
La ĝardeno de multaj vidaĵoj (ĉine 多景园, Duoĝingjuan) estas ĉinstila ĝardeno en la germania urbo Mannheim. En ĝi troviĝas la plej granda ĉina teejo de Eŭropo.
La ĝardeno estas parto de al Luiza Parko Mannheim kaj situas en ties sudorienta parto proksime de la rivero Neckar. La ĝardena kaj te-pavilona areo ofte servas kiel ejo por priaziaj ekspozicioj, koncertoj, prelegoj kaj ankaŭ por ĉinstilaj te-ceremonioj. Krome ĝi ankaŭ estas renkontejo por eventoj lige al la partnera urbo Zhenjiang en Ĉinio.
Laŭ la koncepta principo de "fermado kaj malfermado", la ĝardeno konsistas el ses metrojn alta enireja honora pordego, teatra scenejo, la vasta pavilona konstruaĵo kun pluraj flankaj aloj, subtegmentaj promenejoj kaj kromkonstruaĵetoj, pluraj partaj ĝardenoj, skulptaĵoj kaj superpontataj lagetoj, kaj trairebla groto en artefarita roko kun miniatura akvofalo. Observeblu la interrilato inter la plantaro kaj arkitekturo, inter suno kaj ombro, inter fiksaj ŝtonoj kaj la fluanta respektive falanta akvo. De malbonaj spiritoj protektas zigzaga ponto super lageto de 1000 kvadrataj metroj. Centro de la tereno estas du-etaĝa teejo kun fundamento de 215 kvadrataj metroj. La pagodaj tegmentoj estas tegitaj per nigraj tegoloj.
La ĝardeno konceptiĝis kunlabore kun arkitektoj kaj ĝardenistoj el la ĉina partnera urbo Zhenjiang (provinco Ĝjangsuo), de fondaĵo en Hajdelbergo kaj la orientazia instituto de la Faka Altlernejo Ludwigshafen. Dum la konstruo aktivis pli ol 30 fakuloj el Ĉinio. Ĝi malfermiĝis la 12-an de septembro 2001. La konstruo de la kompleto eblis pro privata heredaĵo de 1,77 milionoj da germanaj markoj (iom pli ol 900.000 €), kiuj estis la financa bazo de la projekto.
Bildaro
[redakti | redakti fonton]-
enirejo al la ĝardena te-pavilono -
ĝardena vidaĵo -
la te-pavilono kun gastoj en la subĉiela interna korto -
la miniatura akvofalo en artefarita roko kun trairebla groto -
fenestro al ĝardena vidaĵo en subtegmenta promenejo
Eksteraj ligiloj
[redakti | redakti fonton]- retejo de la loka "amikaro ĉina ĝardeno" (germane)[rompita ligilo]
- paĝo de la urba retejo pri la ĉina ĝardeno kun te-pavilono (same germane) Arkivigite je 2006-10-03 per la retarkivo Wayback Machine
- plia germanlingva informa paĝo pri la ĉina ĝardeno kaj te-paviliono Arkivigite je 2007-10-20 per la retarkivo Wayback Machine
49° 29' 03.5" norde, 8° 30' 01" oriente Mapo