Ŝahrekordo

Ĝemelurboj
	Duŝanbeo vd

Ŝahrekordo · شهركرد
urbo de Irano • urbego
Administrado
Lando	Irano
Provinco	Ĉahar Mahal kaj Baĥtijari
Ĝemelurboj
	Duŝanbeo vd
Telefonkodo	0381
Demografio
Loĝantaro	190 441 (2016) [+]
Geografio
Geografia situo	32° 20′ N, 50° 52′ O (mapo)32.32555555555650.864444444444Koordinatoj: 32° 20′ N, 50° 52′ O (mapo) [+]
Alto	2 070 m [+]
Horzono	UTC+03:30
	Ŝahrekordo · شهركرد (Irano) Ŝahrekordo · شهركرد
	Situo de Ŝahrekordo · شهركرد
Alia projekto
	Vikimedia Komunejo Shahr-e Kord [+]
	v • d • r

Ŝahrekordo, persalingve شهركرد; estas universitata urbego, la ĉefurbo de Provinco Ĉahar Mahal kaj Baĥtijari en Irano. Ŝahrekordo estas la plej granda urbo en la provinco, krome estas ankaŭ distrikta ĉefurbo.

Bazaj informoj[redakti | redakti fonton]

Supermara alteco: 2,070 m
Loĝantaro: 190 441 en 2016,^[1] 159 775 kvin jarojn antaŭe, en 2011
Horzono: UTC+3:30; somere UTC + 4:30
Telefonkodo: (+98) 381

Geografio[redakti | redakti fonton]

Ŝahrekordo situas sur altebenaĵo de Zagros-montaro inter altaj montoj en Irano je 90 km de Esfahano, je 512 km de Teherano (laŭ [1] je 377 km (supozeble aere)). La urbego estas la plej alta ĉefurbo de Irano (2,070 m super la marnivelo), tial ĝi estas konata kiel "Tegmento de Irano".

Historio[redakti | redakti fonton]

Antaŭ la islama okupo la loknomo estis "Dez Gord" (دژگرد), poste el tio formiĝis la hodiaŭa nomo. Ĝi signifas: la "grandurbo de kurdoj". Ŝahrekordo komence estis loko fare de nomadaj paŝtistoj, baldaŭ iom post iom fondita fare de la enmigrintoj de Esfahano. La urba municipo estis kreita en 1931.

Ekonomio[redakti | redakti fonton]

En Ŝahrekordo oni produktas elektrajn hejmajn maŝinojn, gisferojn, karbonajn dioksidojn, fromaĝojn kaj similajn laktaĵojn, ŝtofojn, fine cementojn (35 km fore). Manfare oni produktas tapiŝojn. Estas ankaŭ turismo, en la apudaĵo estas akvofaloj, lagoj, eĉ skiejo. 3 universitatoj funkcias en la urbego.

Trafiko[redakti | redakti fonton]

Ŝahrekordo estis konektita ĉefvoje kaj fervoje al Esfahano.

Klimato[redakti | redakti fonton]

Ŝahrekordo situas en duonarida klimato laŭ klimata klasifiko de Köppen. Jare pluvas po 330 mm. Inter junio-septembro apenaŭ aŭ neniam pluvas. Inter novembro-marto ofte frostas, inter junio-septembro ofte estas pli, ol 30 °C.