Ŝtata Muzeo de Belartoj Puŝkin

El Vikipedio, la libera enciklopedio
Saltu al: navigado, serĉo
ĉefa fasado de la muzeo
iniciinto kaj unua estro Ivan Cvetajev

La Ŝtata Muzeo de Belartoj Puŝkin (ruse Госуда́рственный музе́й изобрази́тельных иску́сств и́мени А. С. Пу́шкина) estas unu el plej ampleksaj deponejoj de la eŭropa kaj la monda belarto situanta en Moskvo, Rusio. Ĝin ordonis fondi caro Nikolao la 2-a omaĝe al sia patro Aleksandro la 3-a, tial ĝis 1917 ĝi nomiĝis La Belarta Muzeo de Moskva Universitato de Lia Imperiestra Moŝto Aleksandro la 3-a . La 13-an de junio 1912 okazis ĝia inaŭguro.

La profesoro de Moskva Universitato, d-ro pri historio de belartoj Ivan Cvetajev (patro de fama rusa poetino Marina Cvetajeva) iniciatis fondi novan deponejon por kopioj de famaj eŭropaj belartaĵoj necesaj por instruado de studentoj. En 1911 - 1913 li estis ĝia unua estro.

Establado de la konstruaĵo okazis la 17-an de aŭgusto 1898 laŭ aprobo de la caro. La projekton faris arkitekto Roman Klein, inĝenieroj Ivan Rerberg kaj Vladimir Ŝuĥov. Plej grandan parton de necesa monsumo subvenciis rusa mecenato Jurij Neĉajev-Malcov.

En 2010 kolekton de la muzeo konsistigis pli ol 560,000 objektoj prezentantaj pentrarton, grafikon, skulpturon ktp. Tie permanente okazas la internaciaj eksponadoj de belartaĵoj.

Filioj de la muzeo estas:

  • Muzeo de privataj kolektoj;
  • Instrua Muzeo;
  • Muzeo de Svjatolav Riсhter (fama rusa muzikisto)
  • Porinfana Eksponejo;

Eksteraj ligiloj[redakti | redakti fonton]