Adolf Dux
Adolf DUX [duks], laŭ hungarlingve kutima sinsekvo Dux Adolf estis hungara ĵurnalisto, kritikisto, tradukisto, membro de Societo Kisfaludy.
Adolf Dux naskiĝis la 25-an de oktobro 1822 en la tiama hungara ĉefurbo Pozsony (nuntempa Bratislavo en Slovakio). Li mortis la 20-an de novembro 1881 en Budapeŝto.
Biografio
Adolf Dux devenis el malriĉa juda familio. Li frekventis universitatojn en sia naskiĝurbo kaj en Vieno, poste li instruis kaj ĵurnaladis. Li interesiĝis pri la hungara literaturo kaj tradukadis poemojn de Petőfi germanen. En 1870 li ricevis premion de Societo Kisfaludy kaj li membriĝis. Li longe estis ĵurnalisto de germanlingva ĵurnalo Pester Lloyd en Budapeŝto.
Verkaro (elekto)
- germane:
- Ausgewählte Dichtungen von Petőfi 1847
- Ein ungarischer Nabob - tradukita romano de Mór Jókai 1856
- diversaj poemoj tradukitaj de Sándor Petőfi, József Eötvös, Mihály Vörösmarty, János Arany
- diversaj teatraĵoj tradukitaj el la hungara lingvo
- hungare:
- A magyar nemzeti muzeum (Hungara Nacia Muzeo) 1857 - gvodlibro (ankaŭ germane)
- Koronázási Emlékkönyv (Memorlibro pri kronado) 1867
- Vallás és tudomány (Religio kaj scoenco) 1876
- Pestre kell menni (Oni devas iri al Pest (urbo)) - komedio prezentita en Nacia Teatro (Budapeŝto) 1859