Alfred Kinsey

El Vikipedio, la libera enciklopedio
Saltu al: navigado, serĉo

Alfred Charles Kinsey (n. 23-an de junio 1894 Hoboken, New Jersey, Usono – m. 25-an de aŭgusto 1956 Bloomington, Indianao), usona zoologo, esploristo de la homa seksa konduto.

Li diplomiĝis en la Bowdoin College de Banbrunswick (Majno) en 1916, poste doktoriĝis en la Harvardo en 1920. Tie li instruis zoologion kaj botanikon. En 1920 li iĝis ankaŭ zoologia instruisto de Universitato de Indiana. En 1929 li estis nomumita profesoro, en 1942 direktoro de la Seksologia Instituto fondita de li. La instituton apogis la universitato, la fondaĵo Rockefeller (ĝis 1954) kaj la Nacia Esplora Konsilio.

Verkoj[redakti | redakti fonton]

  • Sexual Behavior in the Human Male (La seksa konduto de la homa masklo; 1948)
  • Sexual Behavior in the Human Female (La seksa konduto de la homa femalo; 1953).

La du verkoj baziĝis je 18.500 personaj intervjuoj, kies konkludoj aperis kiel Kinsey-raporto.