Arni BE

El Vikipedio, la libera enciklopedio
Saltu al: navigado, serĉo
Disambig.svg - La mallongigo BE en Arni BE staras por la svisa Kantono Berno. Por aliaj signifoj de la nomo vidu sub Arni.

Arni
Blazono de Arni
Blazono de Arni
Kantono Berno
Administra distrikto Berno-Mezlando
Malnova distrikto ĝis 2009 Konolfingen
Koordinatoj  46°56′6″N 7°39′55″O  /  46.935°N, 7.66528°O / 46.935; 7.66528 (Arni BE)Koordinatoj: 46°56′6″N 7°39′55″O  /  46.935°N, 7.66528°O / 46.935; 7.66528 (Arni BE)
Nombro de enloĝantoj 975
Areo 10,4 km²
Alteco 849 m super marnivelo
Poŝtkodo 3508
Komunumkodo 0602
Mapo de Arni
Mapo de Arni
v  d  r
Information icon.svg

Pri la komunumo[redakti | redakti fonton]

Arni estis ĝis la 31-a de decembro 2009 komunumo de la distrikto Konolfingen kaj ek de la 1-a de januaro 2010 de la administra distrikto Berno-Mezlando en Kantono Berno, Svislando. Ĝi havis 975 loĝantojn je la 31-a de decembro 2007, nombro kiu restis senŝanĝa unu jaron poste je la 31-a de decembro 2008.

Geografio[redakti | redakti fonton]

La Arni situas 16 kilometrojn oriente de la federacia urbo kaj kantonĉefurbo Berno inter la valoj de la riveroj Aro kaj Emme. La plej alta punkto de la komunumo estas la monto Ätzlischwand kun alteco de 1041 m s.m.

Najbaraj komunumoj[redakti | redakti fonton]

La komunumo Arni limas en nordo al Walkringen kaj Landiswil, en oriento al Lauperswil, en sudoriento kaj sudo al Oberthal, en sudokcidento al Grosshöchstetten, kaj en okcidento al Biglen.

Trafiko[redakti | redakti fonton]

La komunumo Arni situas flanke de la gravaj trafikvojoj. Al la publika transportreto la komunumo estas konektita per la du poŝtaŭtolinioj de Biglen al Moosegg kaj de Biglen al Lützelflüh.

Historio[redakti | redakti fonton]

La unua dokumenta mencio de Arni datiĝas el la jaro 1185 kiel Arne.

Ek de mezepoko Arni estis submetita al la jurisdikcio de la kampara tribunalo de Ranflüh en la Emme-Valo. En la jaro 1399 la vilaĝo fariĝis parto de la Senjorujo Signau, kiu fariĝis en la jaro 1529 berna kamparvoktejo. Tribunalsidejo estis Konolfingen. Post la disfalo de la malnova reĝimo dum la tempo de la Helveta Respubliko inter 1798 kaj 1803 la vilaĝo apartenis al la distrikto Höchstetten kaj ek de 1803 al la distrikto Konolfingen. La komunumo ne disponas pri propra preĝejo kaj tial apartenas al la paroĥo Biglen.

Vidu ankaŭ[redakti | redakti fonton]

  • Aliaj lokoj kun la nomo Arni

Eksteraj Ligiloj[redakti | redakti fonton]

  • Kunlaboru en Commons Komunejo proponas multimediajn dosierojn al temo sub la gloso Arni