Badacsonytördemic

Badacsonytördemic (badaĉonjtordemic) estas malgranda vilaĝo kaj municipo kun titolo vinvilaĝo en Hungario, en regiono Meza Transdanubio, en Veszprém (departemento), en subregiono de Tapolca.

Monto Badacsony el la suda bordo

Bazaj informoj

• Areo: 10 km²
• Loĝantaro: 870
• Poŝtkodo: 8263
• Telefonprefikso: 87

Geografio

Badacsonytördemic situas inter monto Badacsony kaj norda bordo de Balatono laŭ ĉefvojo kaj fervojo Balatonfüred-Keszthely.

Historio

La vilaĝo estis loĝata jam dum la bronzepoko. La unua mencio pri la vilaĝo devenis el 1219 en formo Turdemiz, kie nobeloj loĝadis. La fervojo atingis la vilaĝon en 1909. Tiutempe ŝtonominejo ekfunkciis. La vilaĝo apartenas al vinregiono de Badacsony. La loĝantoj okupiĝas pri vinkulturo kaj fremdultrafiko.

Vidindaĵoj

• klasikisma romkatolika kapelo
• monto Badacsony
• memordomo pri Francisko Rákóczi la 2-a