Monstro

Sankta Georgo luktas kontraŭ drako

Monstro naskita de Ŝafino, 17-a jarcento

Monstro estas vivaĵo besta aŭ vegeta kun nenormala formo kaj strukturo.

En mitoj, fantaziaj verkoj, folkloro, ktp. monstro estas tiu estaĵo, kiu mirigas aŭ timigas pro siaj ekscesaj, nenormalaj ecoj.

Ekzemploj de monstroj

• Monstro de Loch Ness
• Kingkongo
• Fluganta Spagetmonstro
• Chupacabras
• Jerseyerzo-Diablo
• Wendigo
• Jetio
• Ogro
• Drako
• Homlupo
• Demono
• Bugio

Monstroj en Esperanto

Marjorie Boulton, en sia mikspota libro Faktoj kaj fantazioj, dediĉas ties 38-an ĉapitron "Monstroj de nia fantazio" al komentoj pri mitologiaj monstroj, inter kiuj ĥimero, pegazo, sfinkso, centaŭro, marvirino, kaprikorno, grifo, drako, katoblepo, bazilisko, fenikso, kaj aliaj. Ŝi mencias ankaŭ aliajn mitologiajn monstrojn, kies nomoj ne aperas en PIV, kiel mantikoro, ealo, tajgro, nasnaso, gaja borulo aŭ snoligostro, bekopugo, kapao, tienkuo, amfisbeno, garudo kaj aliaj.

Vidu ankaŭ

• Kriptozoologio
• Seria murdisto

Proverbo

Ekzistas proverboj pri monstro en la Proverbaro Esperanta de L. L. Zamenhof:

• 	„ Nokte eĉ monstro estas belulo. ”

• 	„ Eĉ monstron admiras, kiu ame deliras. ”