Casas de Don Antonio

El Vikipedio, la libera enciklopedio
Saltu al: navigado, serĉo
Loko de la provinco de Cáceres en Hispanio
Casas de Don Antonio, elirejo kie montriĝas antikva elgranita muelilo

Casas de Don Antonio estas municipo de Hispanio, en la provinco de Cáceres, regiono de Ekstremaduro. Estas en la sama provinco almenaŭ 11 vilaĝoj havantaj en la nomo la strukturon “Casas de ...”, tio estas “Domoj de ...”, nome Casar de Cáceres, Casar de Palomero, Casares de las Hurdes, Casas de Don Antonio, Casas de Don Gómez, Casas de Millán, Casas de Miravete, Casas del Castañar, Casas del Monte, Casatejada kaj Casillas de Coria, kio rilatas al karaktero de feŭdismo dependigi etan vilaĝon el nobelulo, tiele almenaŭ en 3 el tiuj nomoj videblas la nomo de la nobelulo, nome Don Antonio, Don Gómez kaj Millán, dum la dependo en aliaj kazoj estas de urbo aŭ de teritorio, same tipa de feŭdismo.

La loĝantoj nomiĝas casareños. La censita populacio en 2008 estis de 213 loĝantoj.

Situo[redakti | redakti fonton]

Casas de Don Antonio estas situa en la centra parto de Ekstremaduro en la komarkodistrikto Sierra de Montánchez, je altitudo de 405 m; je 27 km de Cáceres, provinca ĉefurbo kaj je 33 km de Mérida, la regiona ĉefurbo. La surfaco de ties teritorio estas de 31 km². Situas ĉe la ŝoseo (nun aŭtoŝoseo) kiu ligas la urbojn de Mérida kun Cáceres, kiu iras laŭ la historia vojo nome Vía de la Plata.

Ekonomio[redakti | redakti fonton]

Agrikulturo kaj brutobredado.

Eksteraj ligiloj[redakti | redakti fonton]

Bildaro de Casas de Don Antonio en www.antoniocordero.com