Casas del Monte

El Vikipedio, la libera enciklopedio
Saltu al: navigado, serĉo
Loko de la provinco de Cáceres en Hispanio

Casas del Monte (Domoj de la Monto) estas municipo de Hispanio, en la provinco de Cáceres, regiono de Ekstremaduro. Estas en la sama provinco almenaŭ 11 vilaĝoj havantaj en la nomo la strukturon “Casas de ...”, tio estas “Domoj de ...”, nome Casar de Cáceres, Casar de Palomero, Casares de las Hurdes, Casas de Don Antonio, Casas de Don Gómez, Casas de Millán, Casas de Miravete, Casas del Castañar, Casas del Monte, Casatejada kaj Casillas de Coria, kio rilatas al karaktero de feŭdismo dependigi etan vilaĝon el nobelulo, tiele almenaŭ en 3 el tiuj nomoj videblas la nomo de la nobelulo, nome Don Antonio, Don Gómez kaj Millán, dum la dependo en aliaj kazoj estas de urbo aŭ de teritorio, same tipa de feŭdismo.

La loĝantoj nomiĝas casareños. La censita populacio en 2008 estis de 785 loĝantoj.

Situo[redakti | redakti fonton]

Casas del Monte estas situa en la norda parto de Ekstremaduro en la komarkodistrikto Valo de Ambroz, je altitudo de 598 m; je 107 km de Cáceres, provinca ĉefurbo kaj je 167 km de Mérida, la regiona ĉefurbo. La surfaco de ties teritorio estas de 27,61 km². Precize ĝi situas en la deklivo de la sierra (montaro), ĉirkaŭata de arbaroj de kverkoj kaj kaŝtanarboj. La vilaĝo estas bordita de du gorĝoj, La Madrigala kaj Garganta Ancha (Larĝa Gorĝo).

Ekonomio[redakti | redakti fonton]

Agrikulturo kaj brutobredado. Oni produktas ĉefe fragojn kaj ĉerizojn; krome estas industrio de preparado de olivoj.

Demografio[redakti | redakti fonton]

Demografia evoluo de Casas del Monte inter 2001 kaj 2006
2001 2002 2003 2004 2005 2006
867 925 890 890 880 850

Festoj[redakti | redakti fonton]

La ĉefaj festoj estas tiuj de Sankta Marko, la 25an de aprilo, kaj tiu de la Kristo de la Venko, la 14an de septembro.

Eksteraj ligiloj[redakti | redakti fonton]