Eŭropa Ĉampionado de Manpilkado

La Eŭropaj Ĉampionadoj de Manpilkado estas konkursoj de la Eŭropa Federacio de Manpilkado (EHF) por determini la plej bonajn manpilkadajn teamojn de Eŭropo. Fakte temas pri du apartaj konkursoj: unu por viroj kaj unu por virinoj. Ili estas aranĝitaj aparte, sed krom tio estas similia. Ili estas unuafoje aranĝitaj en la jaro 1994 - tri jaroj post la fondiĝo de la EHF. Ili okazis ĉiun duan jaron en paraj jaroj. La vira ĉampionado kutime okazas en januaro kaj la virina kutime en decembro. La konkurso ankaŭ estas kvalifiko por la Monda Ĉampionado kaj la Olimpikaj Ludoj. La plej ofte venkintaj teamoj estas Svedujo (4-foje, viroj) kaj Norvegujo (7-foje, virinoj).

Disvolvo de la konkurso

Komence nur 12 teamoj povas kvalifiki sin por la konkurso. Ekde 2002 partoprenas 16 teamoj. La teamo de la gastiganta ŝtato estas aŭtomate kvalifikata. La konkurso konsistas el tri etapoj. La unua kaj dua estas rondbataloj kaj la tria estas elimina sistemo. En la unua etapo ekzistas kvar grupoj kun po kvar teamoj. Ĉiu teamo ludas po unu ludon kontraŭ la tri samgrupaj teamoj. La tri unuaj teamoj de la klasigo rajtas partopreni en la dua etapo. La lasta teamo estas eliminita. En la dua etapo ekzistas du grupoj kun do nun po ses teamoj. Ili kunprenas la rezultojn, kiun ili gajnis kontraŭ la ankaŭ progresantaj teamoj. La teamoj nun ludas kontraŭ la tri aliaj teamoj de la grupo. La du unuaj klasitaj de la du grupoj kvalifikas sin por la tria etapo. Tie la unuaj klasitaj ludas kontraŭ la duaj klasitaj de la alia grupo en duonfinaloj. La venkintoj ludas en la finalo pri la ĉampioneco.

Resumo (Virinoj)

Numero	Jaro	Gastiganto	Ĉampiono	Rezulto	dua	tria
1	1994	Germanujo	Danujo	27:23	Germanujo	Norvegujo
2	1996	Danujo	Danujo	25:23	Norvegujo	Aŭstrujo
3	1998	Nederlando	Norvegujo	24:16	Danujo	Hungarujo
4	2000	Rumanujo	Hungarujo	32:30 p.p.	Ukrainujo	Rusujo
5	2002	Danujo	Danujo	25:22	Norvegujo	Francujo
6	2004	Hungarujo	Norvegujo	27:25	Danujo	Hungarujo
7	2006	Svedujo	Norvegujo	27:24	Rusujo	Francujo
8	2008	Makedonujo	Norvegujo	34:21	Hispanujo	Rusujo
9	2010	Danujo/Norvegujo	Norvegujo	25:20	Svedujo	Rumanujo
10	2012	Serbujo	Montenegro	34:31 p.2p.	Norvegujo	Hungarujo
11	2014	Kroatujo/Hungarujo	Norvegujo	28:25	Hispanujo	Svedujo
12	2016	Svedujo	Norvegujo	30:29	Nederlando	Francujo
13	2018	Francujo	Francujo	24:21	Rusujo	Nederlando
14	2020	Danujo/Norvegujo
16	2022	Nord-Makedonujo/Montenegro/Slovenujo

p.p. = post plilongigo, p.2p. = post du plilongigoj

Resumo (Viroj)

Numero	Jaro	Gastiganto	Ĉampiono	Rezulto	dua	tria
1	1994	Portugalujo	Svedujo	34:21	Rusujo	Kroatujo
2	1996	Hispanujo	Rusujo	23:22	Hispanujo	Jugoslavujo
3	1998	Italujo	Svedujo	25:23	Hispanujo	Germanujo
4	2000	Kroatujo	Svedujo	32:31	Rusujo	Hispanujo
5	2002	Svedujo	Svedujo	33:31	Germanujo	Danujo
6	2004	Slovenujo	Germanujo	30:25	Slovenujo	Danujo
7	2006	Svislando	Francujo	31:23	Hispanujo	Danujo
8	2008	Norvegujo	Danujo	34:20	Kroatujo	Francujo
9	2010	Aŭstrujo	Francujo	25:21	Kroatujo	Islando
10	2012	Serbujo	Danujo	21:19	Serbujo	Kroatujo
11	2014	Danujo	Francujo	41:32	Danujo	Hispanujo
12	2016	Pollando	Germanujo	24:17	Hispanujo	Kroatujo
13	2018	Kroatujo	Hispanujo	29:23	Svedujo	Francujo
14	2020	Aŭstrujo/Norvegujo/Svedujo	Hispanujo	22:20	Kroatujo	Norvegujo
16	2022	Hungarujo/Slovakujo
18	2024	Germanujo

Eksteraj ligiloj

• Eŭropa Federacio de Manpilkado
• Retpaĝo de la ĉampionadoj