Flóra Munkácsy

Flóra Munkácsy
	; Flóra Munkácsy
Persona informo
Naskonomo	Gaidler Emília
Naskiĝo	29-an de aprilo 1836; en Baja
Morto	1-an de oktobro 1906 (70-jaraĝa); en Budapeŝto
Tombo	Malnova tombejo de Budapeŝto
Ŝtataneco	Hungario
Familio
Edz(in)o	Miklós Feleky
Okupo
Okupo	aktoro
	v • d • r

Flóra Munkácsy [munkAĉi], laŭ hungarlingve kutima nomordo Munkácsy Flóra estis hungara aktoro, infanaktoro. Ŝia origina nomo estis (laŭ hungarlingve kutima nomordo) Gaidler Emília, ŝia geedziĝa nomo estis Feleky Miklósné, foje la menciitaj nomoj aperis ankaŭ Munkácsi kaj Feleki. Ŝia edzo estis Miklós Feleky.

Emília Gaidler^[1]^[2] naskiĝis la 29-an de aprilo 1836 en Baja, ŝi mortis la 1-an de oktobro 1906 en Budapeŝto.

Biografio[redakti | redakti fonton]

Flóra Munkácsy devenis el aktora familio, tial ekde 1841 ŝi estis infanaktoro en Győr kaj Pozono, baldaŭ en aliaj signifaj hungaraj urboj. En 1854 ŝi prezentis sin sukcese en Nacia Teatro de Pest. En la sekva jaro ŝi studis en aktorlernejo en Vieno. Reveninta ŝi estis oficiale membro de la Nacia Teatro ĝis la emeritiĝo en 1901, tiam ŝi ricevis reĝan premion. Ŝi edziniĝis en 1858.